Aksıa 30 qyrkúıekke deıin jalǵasady.
Bıyl Almaty qalasynyń muqtaj otbasylarynan shyqqan 19 myń oqýshyǵa kómek kórsetý úshin ákimdik mektep formasy men keńse kerek-jaraqtaryn satyp alýǵa kómek kórsetedi. Bul maqsatqa jergilikti búdjetten 800 mln teńge qarastyrylǵan. Bul týraly Óńirlik komýnıkasıalar qyzmetiniń brıfıńinde Almaty qalasy bilim basqarmasynyń basshysy Lázzat Jylqybaeva málimdedi, dep habarlaıdy Almaty-akshamy.kz.
Bıyl aksıa 30 qyrkúıekke deıin jalǵasady jáne "Mektepke jol - Shekarasyz Jaqsylyq" uranymen ótedi. Ol az qamtylǵan jáne kóp balaly otbasylardan shyqqan oqýshylarǵa, jetim balalarǵa, sondaı-aq ata-anasynyń qamqorlyǵynsyz qalǵan balalarǵa oqý jylynyń bastalýyna daıyndyq kezinde materıaldyq qoldaý kórsetýge jáne áleýmettik sebepter boıynsha balalardyń mektepke kelmeýiniń aldyn alýǵa baǵyttalǵan.
"Qazirdiń ózinde mektepterde oqýshylarǵa oqý jylyna daıyndyqqa kómek kórsetý boıynsha jumystar júrgizilýde. Kómekke muqtaj balalardyń derekter bazasy quryldy. Azamattardyń ótinishterine jedel áreket etý úshin jedel jeliler, senim telefondarynyń jumysy uıymdastyryldy", - dep habarlady basqarma basshysy.
Sonymen qatar, qaıyrymdylyq kómek kórsetýge demeýshilerdi, mesenattardy, memlekettik qurylymdardy tartý boıynsha jumystar júrgizilýde. Balalarǵa mektepke daıyndalýǵa kómek kórsetýge tilek bildirýshiler turǵylyqty jeri boıynsha aýdandyq bilim bólimderine nemese tikeleı bilim berý uıymyna júgine alady.
Jedel jeli baılanystary habarlandyrýda Almaty qalasy bilim basqarmasynyń saıtynda kórsetilgen.
- Alataý aýdany boıynsha: 87006131198.
- Almaly aýdany boıynsha: 87470448553.
- Áýezov aýdany boıynsha: 87025395397.
- Bostandyq aýdany boıynsha: 87772806650.
- Jetisý aýdany boıynsha: 87472940554.
- Medeý aýdany boıynsha: 87759194000.
- Naýryzbaı aýdany boıynsha: 87089359498.
- Túrksib aýdany boıynsha: 87479013814.
Sóz sońynda Lázzat Jylqybaeva jýrnalıserdiń suraqtaryna jaýap bere otyryp, qazirgi ýaqytta 1 qyrkúıekten bastap memlekettik mektepterdiń 1-4 synyptarynyń barlyq oqýshylaryn tegin tamaqtandyrýdy uıymdastyrý boıynsha daıyndyq júrgizilip jatqanyn habarlady.
Sonymen qatar, memlekettik mektepterdiń oqýshylary qaıtarymdy negizde 100% tegin oqýlyqtarmen qamtamasyz etiletinin, al 2-synyp oqýshylary jańa oqýlyqtar alatynyn naqtylady.