Boljamǵa sáıkes, Qazaqstannyń basym bóliginde jańbyr jaýady.
"Qazgıdromet" RMK Qazaqstan aýmaǵynda 1 shilde kúni aýa raıy qandaı bolatynyn boljady, dep habarlaıdy Almaty-akshamy.kz
"QR aýmaǵynyń basym bóliginde sıklon jáne onymen baılanysty atmosferalyq frontaldy bólikter turaqsyz aýa raıynyń qalyptasýyna túrtki bolady. Qazaqstannyń soltústik-batysynda, soltústiginde jańbyr jaýyp, naızaǵaı oınaıdy, burshaq túsedi, qatty jel turady dep kútiledi. Elimizdiń batysynda ǵana aýa raıy jaýyn-shashynsyz bolady dep boljanady. Respýblıkamyz boıynsha ortaq tabıǵı qubylys - jeldiń ekpin alýy. Elimizdiń ońtústiginde shańdy daýyl turady, soltústik-batysta túngi jáne tańerteńgi ýaqyttarda tuman bolady"delingen "Qazgıdromet" RMK aqparatynda.
Qaraǵandy, Pavlodar, Abaı, Jetisý oblystarynda, Ulytaý óńiriniń soltústiginde, Aqmola oblysynyń batysynda, ońtústiginde, shyǵysynda, Shyǵys Qazaqstan oblysynyń batysynda, soltústiginde órt qaýpi joǵary bolady.
Túrkistan, Jambyl, Qyzylorda, Almaty, Ulytaý oblystarynda, Qostanaı, Shyǵys Qazaqstan jáne Abaı oblystarynyń ońtústiginde, Jetisý óńiriniń soltústiginde, shyǵysynda, Atyraý oblysynyń batysynda, ońtústik-shyǵysynda, Mańǵystaý oblysynyń batysynda tótenshe órt qaýpi saqtalady.