Búgin elimizdiń basym bóliginde jaýyn-shashynsyz aýa raıy kútiledi.
"Qazgıdromettiń" habarlaýynsha, tek eldiń soltústiginde, soltústik-batysynda soltústik-batystan jyljyǵan sıklon áli de óz áserin tıgizedi. Qazaqstan boıynsha jel kúsheıip, tuman túsedi, soltústikte - jaıaý burqasyn, kóktaıǵaq bolýy yqtımal, dep habarlaıdy Almaty-akshamy.kz.
Túnde jáne tańerteń Soltústik Qazaqstan oblysynyń soltústiginde, batysynda tuman, kóktaıǵaq, jaıaý burqasyn bolady, óńirdiń soltústiginde, batysynda jel 15-20 m/s kúsheıedi.
Qostanaı oblysynyń soltústiginde, ońtústiginde tuman, kóktaıǵaq, soltústiginde, shyǵysynda jeldiń ekpini 15-20 m/s jetedi.
Túnde jáne tańerteń Jambyl oblysynyń ońtústiginde, soltústik-shyǵysynda jáne taýly aýdandarynda tuman túsedi, túnde soltústik-shyǵysynda jáne taýly aýdandarda jel 15-20 m/s kúsheıedi.
Batys Qazaqstan oblysynyń soltústik-batysynda tuman, kúndiz oblystyń batysy men soltústiginde jeldiń jyldamdyǵy -15-20 m/s.
Almaty oblysynyń Alakól kólderiniń aýdanynda jeldiń ekpini 25 m/s jetedi.
Túnde jáne tańerteń Aqmola oblysynyń batysynda, ońtústiginde tuman, oblystyń soltústiginde, batysynda soqqan jeldiń jyldamdyǵy 15-20 m/s bolady.
Atyraý oblysynyń soltústiginde, túnde jáne tańerteń Mańǵystaý, Pavlodar oblystarynyń ońtústiginde, túnde Shyǵys Qazaqstan oblysynyń shyǵysynda, Aqtóbe oblysynyń ońtústiginde tuman túsedi.