Almatyda 1 qyrkúıekten bastap kásiporyn qyzmetkerleriniń koronavırýsqa qarsy ekpe alǵanyn teksere bastaıdy. Bul týraly qalalyq sanıtarlyq-epıdemıologıalyq departamentinen málim etti, dep habarlaıdy almaty-akshamy.kz
«Tekserý jumystary 1 qyrkúıekten bastalady. Oǵan deıin tekserý algorıtmi anyqtalady», - dedi Almaty qalalyq sanıtarlyq-epıdemıologıalyq baqylaý departamenti basshysynyń orynbasary Sádýaqas Baıǵabylov.
QR bas memlekettik sandárigerdiń 2021 jyldyń 14 shildesindegi qaýlysyna sáıkes, vaksınalaý merzimi anyqtaldy: 2021 jyldyń 10 tamyzyna deıin profılaktıkalyq ekpeniń birinshi dozasyn, 2021 jyldyń 1 qyrkúıegine deıin ekinshi dozasyn alý kerek (oǵan medısınalyq qarsy kórsetilimi bar adamdar men sońǵy 3 aıda koronavırýspen aýyryp shyqqandar kirmeıdi).
«Demek, qyzmetkerlerdiń tolyqtaı vaksına alǵanyn osy jyldyń 1 qyrkúıeginen bastap tekserýi múmkin», - dep naqtylady vedomstvodan.