Jańa oqý jylynda 3,6 mln balany qamtıtyn 7 637 mektep jumys isteıdi.
1 qyrkúıekte respýblıkanyń barlyq mektebinde Bilim kúnine arnalǵan saltanatty jıyn, sondaı-aq «Bilimge umtylý, eńbeksúıgishtik jáne patrıotızm» taqyrybynda synyp saǵaty ótedi. Bul týraly QR Prezıdenti janyndaǵy Ortalyq komýnıkasıalar qyzmetiniń alańynda ótken baspasóz konferensıasynda Oqý-aǵartý vıse-mınıstri Sholpan Karınova málimdedi, dep habarlaıdy Almaty-akshamy.kz QazAqparatqa silteme jasap.
«Saltanatty sapty ótkizýdiń formatyn, qatysýshylardyń quramyn bilim berý uıymdary ózderi belgileıdi. Oqý jyly 1 qyrkúıekte bastalyp, 31 mamyrǵa deıin 36 aptaǵa sozylady. Jazdyń alǵashqy kúnderinen bastap oqýshylar demalady, ıaǵnı jazda balalar demalady», - dedi vıse-mınıstr Sholpan Karınova.
Oqý jylynyń uzaqtyǵynyń ulǵaıýyna baılanysty jańa oqý jylynda bes kúndik formatta 7 myńnan astam mektep jumys isteıdi, bul úsh aýysymdy mektepterdi qospaǵanda, 3,4 mln bala men 300 myńnan astam muǵalim.
Senbi demalys kúni bolady, sonyń arqasynda oqýshylar, muǵalimder, mektep dırektorlary men onyń orynbasarlary oqý jylynda qosymsha 36 kún demalady.
Jańa oqý jylynda mektepterdiń oqý baǵdarlamasyna birqatar ózgeris engizildi.
Zertteý jáne halyqaralyq tájirıbeni zerdeleý qorytyndysyna sáıkes 1-synyp oqýshysynyń úsh tildi birden meńgerýi qıyn ekeni anyqtaldy. Bala eń aldymen óz ana tilinde oqyp, jazýdy úırenýi kerek.
Sondyqtan Oqý-aǵartý mınıstrligi memlekettik tilde oqytatyn 1-synyptarda balalar tek qazaq tilin, orys tilinde oqytatyn synyptarda memlekettik jáne orys tilderin úıretetini týraly sheshim qabyldady.
«Qazaq tilinde oqytatyn mektepterde 2-synyptan bastap orys tilin oqytý bastalady. Aǵylshyn tili barlyq mektepte úshinshi synyptan bastap oqytylady. Sondaı-aq 1-synypta balalarǵa erte kásiptik baǵdar berý maqsatynda «Eńbekke baýlý» jáne «Beıneleý óneri» pánderi engizildi», - dedi Sholpan Karınova.
Bıylǵy oqý jylynda 5-11 synyptarda «Jahandyq quzyretter» fakúltatıvtik kýrsyn oqytý jalǵasady. Kýrsta «Adaldyq jáne etıka», «Ekologıalyq mádenıet», «Azamattyq», «Tirshilik qaýipsizdiginiń negizderi», «Medıasaýattylyq jáne qarjylyq saýattylyq» modýlderi bar.
Jańa oqý jylynda mektep formasyna qoıylatyn talaptar ózgermeıdi. Iaǵnı oqýshylar mektepke buryn satyp alǵan nemese bıylǵy oqý jylynda daıyndaǵan formamen bara alady. Mektep formasy joqtar taza, uqypty klasıkalyq kıim úlgisimen mektepke bara alady.
Bıyldan bastap Oqý-aǵartý mınıstrligi materıaldyq kómek kórsetý erejelerine ózgerister engizdi, buǵan deıin óńirlerde bólingen soma 17-den 40 myń teńgege deıin bolsa, bıyl bul soma ulǵaıdy jáne eń tómengi kúnkóris deńgeıinen kem bolmaýy kerek, ıaǵnı 37 389 teńge. Kómek kórsetý mehanızmine de ózgerister engizildi.
Endi qarajat ata-analardyń balalarymen birge mektep formasyn, aıaq kıimin, keńse taýarlaryn jáne basqalardy satyp alýy úshin banktegi shotyna aýdarylady.