Jalpyǵa birdeı deklarasıalaý
Eger Siz joǵaryda atalǵan tulǵalardyń sanatynan bolsańyz, biraq kásipkerlik qyzmetti júzege asyrmasańyz nemese toqtata tursańyz onda Sizge zańdy tulǵanyń nemese dara kásipkerdiń ornalasqan jeri boıynsha memlekettik kirister organyna qyzmetin toqtatý týraly salyq ótinishin berýge keńes beremiz.
Ol úshin jeke kásipker nemese zańdy tulǵanyń basshysy ekenińizdi, qyzmetin toqtatqan nemese áreketsiz salyq tóleýshilerdiń tiziminde ekenińizdi memlekettik kirister komıtetiniń ınternet-resýrsynyń elektrondyq servısterine kelesi siltemeler boıynsha ótip, tekserýge bolady www.kgd.gov.kz:
https://kgd.gov.kz/kk/services/taxpayer_search_unreliable/list
https://kgd.gov.kz/kk/services/taxpayer_search_unreliable
https://kgd.gov.kz/kk/services/taxpayer_search/entrepreneur
250.00-nysandaǵy salyq eseptiligin memlekettik kirister organdaryna 15-shildeden keshiktirmeı - qaǵaz túrinde, elektrondy túrde - 15-qyrkúıekten keshiktirmeı «Salyq tóleýshiniń kabıneti» (cabinet.salyk.kz) Web-qosymshasy nemese e-Salyq Azamat, eGov mobile, Halyk mobıldi qosymshalary arqyly usyný qajet.
2024 jyly 250.00-nysandy usynǵannan keıin, 2025 jyldan bastap bul tulǵalar jyl saıyn kirister men múlik týraly deklarasıany (270.00-nysanda) usynýǵa tıis ekendigine nazar aýdaramyz.
Deklarasıany ýaqytyly usynbaǵany úshin alǵashynda eskertý qarastyrylǵan, al bir jyl ishinde qaıtalap atalǵan zań buzýshylyq jasalsa - 15 AEK mólsherinde aıyppul salynady.