Júrgizýshi kýáligin alyp beremin dep azamattardyń 8 mln teńgesin jymqyrǵan Ekibastuz turǵyny anyqtaldy.
Alaıaqtyq jasady degen kúdikpen Ekibastuz qalasynyń avtomektepteriniń birinde esepshi bolyp beıresmı jumys istegen 33 jastaǵy turǵyn ustaldy, dep habarlaıdy Almaty-akshamy.kz Polisia.kz-ke silteme jasap.
Ol júrgizýshi kýáligin alyp beremin dep azamattardyń 8 mln teńgeden astam qarjysyn jymqyrǵan. Jábirlenýshiler qatarynda Pavlodar oblysynyń turǵyndary men qosa, Aqmola oblysynyń turǵyndary da bar, – dep habarlaıdy Polisia.kz.
22 qazanda er adam polısıaǵa habarlasyp, 2022 jyldyń qazan aıynan 2023 jyldyń maýsym aıynyń ortasyna deıin áıel Ekibastuz qalasynyń avtomektepteriniń birinde esepshi bolyp beıresmı jumys istep, memlekettik mekemelerde tanysym bar, qajetti sanattaǵy júrgizýshi kýálikterin alyp beremin dep ýáde bergenin anyqtady. Avtomekteptiń oqýshylary oǵan 150 myń teńgeden 400 myń teńgege deıin (qajetti sanatqa baılanysty) aqshalaı qarajatty jubaıynyń shotyna aýdaryp otyrǵan. Keıin eshqandaı nátıje bolmaǵandyqtan, azamattar polısıaǵa júgindi. Sonymen qatar alaıaqtyń toryna tek Pavlodar oblysynyń turǵyndary ǵana emes, kórshi Aqmola oblysynyń turǵyndary da túsken. Búgingi tańda 48-ge jýyq aldanǵan azamat anyqtaldy. Turǵyndarǵa 8 mln teńgeden astam shyǵyn keltirilgen.
«Osy fakti boıynsha Qazaqstan Respýblıkasy QK-niń 4-tarmaǵy 3-bóliginiń 190-baby (Alaıaqtyq) boıynsha sotqa deıingi tergep-tekserý júrgiziledi. Alaıaqtyq jasady dep kúdiktengen áıelge qatysty kelý týraly mindetteme bultartpaý sharasy tańdaldy», – deıdi Pavlodar oblysy polısıa departamentiniń baspasóz qyzmeti.
Qazaqstan Respýblıkasy Konstıtýsıasynyń 77-baby 3-tarmaǵynyń 1-tarmaqshasyna, Qazaqstan Respýblıkasy qylmystyq is júrgizý kodeksiniń 19-baby 1-bóligine sáıkes adam óziniń kinási sottyń zańdy kúshine engen úkimimen tanylǵanǵa deıin qylmys jasaǵany úshin kinásiz dep esepteledi. Polısıa departamenti júrgizýshi kýáligin tek arnaıy HQKO-da tıisti emtıhandardy tapsyryp, 1 AEK mólsherinde júrgizýshi kýáligi úshin memlekettik bajdy tóleý qajet ekenin eske salady. 2019 jyldyń 1 shildesinen bastap JQE boıynsha emtıhan tapsyrý boıynsha fýnksıalar memlekettik korporasıaǵa berildi.