Dál osy kúni 8 saǵattyq jumys kúni bekitilgen.
1 mamyr keı elderde halyqaralyq jumysshylar kúni, Eńbek kúni retinde atalyp ótedi, dep habarlaıdy Almaty-akshamy.kz
Avstralıalyq jumysshylar 1856 jyly 8 saǵattyq jumys kúni ornasyn degen talappen narazylyq sherýine shyqqan. 30 jyldan keıin mundaı talapty Kanada jáne Amerıka elderiniń jumysshylary da qoıǵan.
Arada 3 jyl ótken soń İİ Internasıonaldyq Kongreste 1 mamyr Álem elderi jumysshylarynyń halyqaralyq yntymaqtastyǵy kúni dep belgilendi.
1 mamyrda atalyp ótetin "Eńbek kúni" avstralıalyqtar úshin de óte mańyzdy. Avstralıadaǵy "Eńbek kúniniń" bir ǵasyrdan astam tarıhy bar. Bul kúni halyq eńbektiń ádil baǵalanýy úshin kúresken jandardy eske alady. Óıtkeni 1800 jyldary jumys kúni tym uzaq ári aýyr bolatyn, keıbir qara jumysshylar aptasyna alty kún, táýligine 12 saǵatqa deıin jumys istedi.
1856 jyly 21 sáýirde Melbýrn ýnıversıtetiniń tas qalaýshylary 8 saǵattyq jumys kúnin engizýdi talap etip, parlament ǵımaratyna qaraı sherýge shyqty. Aqyrynda jumys berýshiler tarapynan 48 saǵattyq jumys aptasy men 8 saǵattyq jumys kúnin bekitýge kelisim berildi.