Ulttyq bank tóraǵasy Tımýr Súleımenovtiń málimdeýinshe, Qazaqstanda endi eki nomınaldaǵy monetalar shyǵarylmaıdy, dep habarlaıdy aqshamnews.kz
Ulttyq bank basshysy bul sheshim mundaı usaq nomınaldy monetalardy shyǵarý shyǵyndarynyń orynsyzdyǵyna baılanysty qabyldanǵanyn túsindirdi.
"Biz ony (1 teńgeni – esk.) basyp shyǵarýdyń orynsyz ekenine kelisemiz, sondyqtan bazalyq josparymyz mynadaı: aınalymda bar moneta aınalymda qala beredi, biraq jańasyn shyǵarý josparda joq. 2 teńgelikke de qatysty osylaı", – dedi Súleımenov Senat kýlýarynda.
Ol aınalymda júrgen monetalardyń aınalymnan alynbaıtynyn, biraq jańalaryn shyǵarýǵa qarajat bólinbeıtinin atap ótti.
"Aınalymda júrgen – qaltada, basqa jerde júrgen monetalar – túsinikti, olardy aınalymnan almaımyz. Biraq jańasyn jasaýǵa aqsha jumsamaımyz", – dep qorytyndylady Ulttyq bank basshysy.