QR Premer-mınıstriniń birinshi orynbasary Roman Sklár kómir óndirýge jáne óńdeýge mamandanǵan iri energetıkalyq kompanıa – «China Energy Investment Corporation» basshylyǵymen kezdesý ótkizdi, dep habarlaıdy aqshamnews.kz.
Kezdesý barysynda taraptar kómir hımıasy salasyndaǵy yntymaqtastyqtyń keleshegin jáne Qazaqstanda ınvestısıalyq jobalardy iske asyrý múmkindikterin talqylady.
«China Energy Investment Corporation» óndiristik qýaty jylyna 650 mln tonna bolatyn 97 kómir shahtasyn basqarady jáne álemdik naryqta jetekshi oryn alady. Búgingi tańda kompanıanyń sheteldik aktıvteri Qytaı, Ońtústik Afrıka, Avstralıa, Indonezıa, Gresıa jáne Germanıada ornalasqan.
Ian Gochýn myrza, CHN Energy Investment Corporation Group Co. Ltd, kompanıasynyń bas dırektorynyń orynbasary Qazaqstan aýmaǵynda kómir-hımıa óndirisin damytýǵa joǵary qyzyǵýshylyq tanytty, bul eldiń ekonomıkalyq áleýetin keńeıtýdegi mańyzdy qadam bolýy múmkin.
Atalǵan yntymaqtastyq eki tarap úshin de aıtarlyqtaı múmkindikter ashady, óńdeý ónerkásibi salasynda Qytaımen ekijaqty qatynastardy nyǵaıtýǵa yqpal etedi.