Búdjet qarjysy aldymen kvazımemlekettik kompanıalarǵa bólinedi.
Olar óz kezeginde taǵy qosymsha qarajat tartyp, kásipkerlerge tómendetilgen mólsherlememen kredıt bere alady, dep habarlaıdy Almaty-akshamy.kz
Qarjy mınıstriniń aıtýynsha, 0,1 prosent bul tym tómen mólsherleme emes.
Erulan Jamaýbaev búdjettik kredıtterdiń ne sebepti tómengi mólsherlememen beriletinin túsindirdi.
Búgin senat otyrysynan keıin jýrnalıser áleýmettik jelide taraǵan úkimet basshysynyń qaýlysyna túsinikteme berýdi surady. Osy qujatta búdjettik kredıtter týraly jazylǵan. Mólsherlemesi óte tómen, nebári 0,1 prosent. Ondaı kredıtter «Báıterek» ulttyq holdıńi arqyly san alýan jobalarǵa taratady.
Máselen, 55 mıllıard teńge júk kólikteriniń jetekshi beldemeleriniń arqalyqtaryn kóbirek shyǵarýǵa bólindi degen málimet bar.
Qarjy mınıstri Erulan Jamaýbaev ondaı búdjettik kredıtterdiń bar ekenin rastady.
Onyń aıtýynsha, búdjet qarjysy aldymen kvazımemlekettik kompanıalarǵa bólinedi. Olar óz kezeginde taǵy qosymsha qarajat tartyp, kásipkerlerge tómendetilgen mólsherlememen kredıt bere alady.
«Búdjettik kredıtter aldymen kvazımemlekettik uıymdarǵa beriledi. Ol «Báıterek» holdıńi nemese Qazaqstannyń damý banki bolýy múmkin. Olar óz kezeginde naryqtan taǵy kredıt alady da, barlyq aqshany aralastyrady. Sosyn naqty sektorǵa jeńildetilgen kredıt beredi», - dedi Jamaýbaev jýrnalıserge bergen suhbatynda.
Mınıstrdiń aıtýynsha, 0,1 prosent bul tym tómen mólsherleme emes. Sebebi búdjettik kredıttiń negizgi maqsaty – kásipkerlerge qaryzǵa berilgen aqshanyń mólsherlemesin barynsha azaıtý.
«Qazirgi kezde naryqtaǵy teńgemen berilgen kredıttiń mólsherlemesi 15 prosentten joǵary. Kásipkerler qınalyp jatyr. Biz olardyń qoldaýymyz kerek qoı. Bankter kredıt bermeı jatsa, ekonomıka qalaı damıdy? Jumys oryndary qalaı ashylady? Óndiris oryndary qalaı jumys isteıdi? Olarǵa aınalma aqsha kerek. Osyǵan baılanysty biz jeńildetilgen prosentpen aldymen kvazımemlekettik sektorǵa bólemiz. Sonyń arqasynda kásipkerler tómen mólsherlememen kredıt ala alady», - dep atap kórsetti Jamaýbaev.