«Qoja Ahmet Iassaýı atyndaǵy №123 mektep-gımnazıasynda «Zamanaýı oqytýdyń formalary men ádisteri. Bastaýysh synypta jasandy ıntellektti qoldaný: múmkindikteri men ádisteri» atty qalalyq semınar ótti. Atalmysh semınarda bilim berý úrdisinde oqýshylardyń belsendiligin arttyrý, olardy joǵary nátıjelerge jeteleý jáne jasandy ıntellekt baǵdarlamalaryn qoldaný arqyly oqytýdyń sapasyn kóterý máselesi keńinen sóz boldy. Sonymen qatar, 4-synyp oqýshylary matematıka páninen «Intellektýaldyq daǵdyny qalyptastyrý arqyly oqýshylardyń logıkalyq oılaýyn damytý» taqyryby barysynda logıkalyq esep shyǵaryp, panoramalyq sabaqtar ótkizdi.
Semınarda oqytýshylar tájirıbe almasyp, oqytýda jańa ádis-tásilderdi tıimdi paıdalaný joldaryn talqylady. Semınar jumysy teorıalyq jáne praktıkalyq eki bólimdi qamtydy. Praktıkalyq bóliminde muǵalimder ınteraktıvti formatta oqytý tásilderimen bólisti. Mektep basshysy Baǵıla Áshimbaeva Sıngapýrdaǵy halyqaralyq tájirıbe almasý saparyndaǵy ozyq tájirıbıelerimen bólise otyryp, qazirgi tańda mektepte sol tájirıbıelermen bólisý maqsatynda shyǵarmashylyq top qurylǵanyn, topta úzdik degen ustazdardyń jumys atqaryp jatqandyǵyn tilge tıek etti.
Atalmysh semınarda oqý isi jónindegi orynbasary A. Almabaeva «Bastaýysh bilim berýdegi izdenister men sheshimder» taqyrybynda pikirtalas uıymdastyryp, qatysýshylarmen birge oı bólisti. Sabaq barysynda jasandy ıntellekt tehnologıalaryn kúndelikti sabaǵynda qoldanyp júrgen bastaýysh muǵalimderi ózderiniń bilimderin ortaǵa saldy, máselen bastaýysh synyp muǵalimi L. Kenjebekova, S. Intanova ««Ne úırendim? Ne bildim?», «Kyndelik.kz» platformasynyń múmkindikterim men tıimdiligi» atty panoramalyq sabaqtar ótkizdi. Sonymen qatar, «Álippeni» oqytýda oqýshylardyń oqýǵa degen qyzyǵýshylyǵyn arttyrý úshin jańa tásilder usynyldy. Sabaq barysynda jasandy ıntellekt tehnologıalaryn qoldaný arqyly oqýshylardyń logıkalyq oılaý qabiletterin damytýdyń tıimdi ádisteri kórsetildi. Máselen, G.Beısenova, Sh. Temirbek N. Dúısembaeva, L.Kenjebekova oqýshylarǵa praktıkalyq sabaq júrgizse, qorytyndy bóliminde pedagogtar tájirıbelik sabaqtar men jańa tehnologıalardy engizýdiń artyqshylyqtary týraly pikir almasty.
Qazirgi bilim berý júıesinde jasandy ıntellekt pen zamanaýı tehnologıalardy paıdalaný – ýaqyt talaby. Osy semınar aıasynda bastaýysh synyp muǵalimderi oqýshylardyń bilim deńgeıin arttyryp, jańa ádis-tásilder arqyly olardyń qabiletterin damytý jolynda mol tájirıbe jınaqtady.