اقتوبەدە ينتەرنەت-الاياقتىق سحەماسىنا قاتىسى بار دەگەن كۇدىكپەن 25 جاستاعى ەر ادام ۇستالدى، دەپ حابارلايدى Aqshamnews.kz ءتىلشىسى.
ىشكى ىستەر مينيسترلىگىنىڭ مالىمەتىنشە، كۇدىكتى كيبەرپوليسيا قىزمەتكەرلەرى جۇرگىزگەن جەدەل-ىزدەستىرۋ شارالارى بارىسىندا انىقتالعان. ول كورشى ەلگە ءىرى كولەمدەگى قاراجاتتى الىپ وتپەك بولعان ساتتە شەكارادا قولعا تۇسكەن. ءتىنتۋ كەزىندە ودان ءۇش جابىرلەنۋشىدەن الىنعان 20 ميلليون تەڭگە تاركىلەندى. كۇدىكتى ۋاقىتشا ۇستاۋ يزولياتورىنا قامالىپ، مىنگەن اۆتوكولىگى كوممۋنالدىق تۇراققا قويىلدى.
الدىن الا دەرەك بويىنشا، اقتوبە قالاسىنىڭ تۇرعىنى قالا اۋماعىنداعى «دروپپەرلەردىڭ» جۇمىسىن ۇيلەستىرىپ، قىلمىستىق جولمەن الىنعان قولما-قول اقشانى تاسىمالداۋمەن اينالىسقان.
پوليسيانىڭ ايتۋىنشا، ءۇش ازامات Instagram جەلىسىندەگى جالعان جارناماعا سەنىپ، ءىرى كومپانيا اتىن جامىلعان الاياقتارعا ينۆەستيسيا سالعان. اقشا «دروپپەرلەردىڭ» ەسەپشوتتارىنا تۇسكەننەن كەيىن قولما-قول اقشاعا اينالدىرىلعان.
قازىرگى تاڭدا سوتقا دەيىنگى تەرگەۋ جۇرگىزىلىپ، قىلمىسقا قاتىسى بار وزگە تۇلعالار انىقتالۋدا.