قازاقستاننىڭ باسىم بولىگىندە 6 اقپان، جۇما كۇنى اۋا رايى كۇرت بۇزىلادى، دەپ حابارلايدى Aqshamnews.kz ءتىلشىسى.
«قازگيدرومەت» تاراتقان مالىمەتكە سايكەس، ەل اۋماعىندا قار ارالاس جاڭبىر جاۋىپ، جەل كۇشەيەدى. كەي وڭىرلەردە بۇرقاسىن سوعىپ، كوكتايعاق قالىپتاسادى. اسىرەسە تۇنگى ۋاقىتتا ماڭعىستاۋ وبلىسىنىڭ سولتۇستىك-شىعىسىندا قاتتى اياز كۇتىلەدى. ال ەلدىڭ وڭتۇستىك-باتىسىندا، جامبىل وبلىسىنىڭ تاۋلى ايماقتارىندا، تۇركىستان وبلىسىنىڭ اسۋلارىندا، اباي وبلىسىنىڭ ورتالىعىندا جانە جەتىسۋ وبلىسىنداعى الاكول ماڭىندا جەلدىڭ جىلدامدىعى سەكۋندىنا 30 مەتردەن اسىپ، ءقاۋىپتى دەڭگەيگە جەتۋى ىقتيمال.
بەلسەندى وڭتۇستىك سيكلون مەن اتموسفەرالىق فرونتتاردىڭ اسەرىنەن رەسپۋبليكانىڭ سولتۇستىك-باتىسى، سولتۇستىگى، ورتالىعى جانە وڭتۇستىگىندە تۇراقسىز اۋا رايى ساقتالادى. بۇل ايماقتاردا قالىڭ جاۋىن-شاشىن ءتۇسىپ، كەي جەرلەردە قار ارالاس جاڭبىر جاۋادى. سونىمەن قاتار تۇمان ءتۇسىپ، جولداردا كوكتايعاق ءقاۋپى كۇشەيەدى.
تەك باتىس جانە وڭتۇستىك-باتىس وڭىرلەردە انتيسيكلون سىلەمىنىڭ ىقپالىمەن جاۋىن-شاشىنسىز، سالىستىرمالى تۇردە تىنىش اۋا رايى بولجانىپ وتىر. ماماندار تۇرعىندارعا الىس جولعا شىققاندا بارىنشا ساق بولۋدى جانە قولايسىز اۋا رايىن ەسكەرۋدى ۇسىنادى.