ءۇش وبلىستا اۋا رايىنا بايلانىستى ەسكەرتۋ جاريالاندى

توتەنشە ءورت ءقاۋپى ساقتالادى

ءۇش وبلىستا نايزاعاي ويناپ، داۋىل كوتەرىلۋى مۇمكىن، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ. 

بولجام بويىنشا، 6 تامىز كۇنى تاڭەرتەڭ جانە كۇندىز قىزىلوردا وبلىسىنىڭ ورتالىعىندا، شىعىسىندا نايزاعاي ويناپ، داۋىل تۇرادى. جەل سولتۇستىكتەن، سولتۇستىك-شىعىستان سوعادى، كۇندىز وبلىستىڭ ورتالىعىندا 15-20، ەكپىنى – 23 م/س. وبلىستىڭ باسىم بولىگىندە توتەنشە ءورت ءقاۋپى ساقتالادى. قىزىلوردا قالاسىندا تاڭەرتەڭ جانە كۇندىز نايزاعاي بولجانادى. توتەنشە ءورت ءقاۋپى ساقتالادى. 

تۇركىستان وبلىسىنىڭ سولتۇستىگىندە، باتىسىندا، تاۋلى اۋداندارىندا نايزاعاي ويناپ، داۋىل سوعۋى مۇمكىن. سولتۇستىك-باتىستان جەل سوعادى، نايزاعاي كەزىندە ەكپىنى 15-20 م/س جەتەدى. وبلىستىڭ وڭتۇستىگىندە، شىعىسىندا توتەنشە ءورت ءقاۋىپى ساقتالادى. تۇركىستان قالاسىندا كۇندىز نايزاعاي ويناپ، داۋىل كوتەرىلۋى ىقتيمال. سولتۇستىك-باتىستان جەل سوعادى، نايزاعاي كەزىندە ەكپىنى – 15-20 م/س. 

اقتوبە وبلىسىندا سولتۇستىك-شىعىستان، شىعىستان جەل سوعادى، كۇندىز ءوڭىردىڭ وڭتۇستىگىندە، شىعىسىندا، ورتالىعىندا جەل ەكپىنى 15-20 م/س جەتەدى.