قاسيەتتى ايدىڭ باستالۋىنا 2 اپتا قالدى. العاش رەت اۋىز بەكىتەتىندەر جاندار نە ءبىلۋى كەرەك؟ تولىعىراق aqshamnews.kz ماتەريالىندا.
ورازانى العاش رەت ۇستاۋعا نيەتتەنگەن جان ءۇشىن وڭاي بولماسى انىق. ەگەر بۇرىن ورازا ۇستاپ كورمەسەڭىز، بىردەن كىرىسۋ قيىن بولۋى مۇمكىن. سوندىقتان ءوزىڭىزدى بىرتىندەپ دايىنداۋ قاجەت.
- تاماقتانۋ رەجيمىن رەتتەڭىز، تاڭعى جانە كەشكى استى ۋاقىتىلى ءىشىپ ۇيرەنىڭىز. ورازا باستالعانعا دەيىن بىرنەشە كۇن ءبىر ۋاقىتتا تاماقتانىپ، اۋىز بەكىتۋگە داعدىلانىڭىز.
- ورازادا دۇرىس تاماقتانۋ ماڭىزدى. سارەسىدە كۇردەلى كومىرسۋلار (بوتقا، قارا نان، كوكونىستەر)، اقۋىز (جۇمىرتقا، ەت، سۇزبە) جانە سۋ ىشكەن ءجون. ال اۋىز اشاردا اسقازانعا سالماق تۇسىرمەس ءۇشىن جەڭىل تاماقتاردان باستاۋ كەرەك (ءسۇت ونىمدەرى، قۇرما، سورپا). دۇرىس تاماقتانۋ ءسىزدىڭ قۋاتىڭىزدى ساقتاۋعا جانە كۇنى بويى ءوزىڭىزدى سەرگەك سەزىنۋگە كومەكتەسەدى.
- باستاپقىدا قيىندىق سەزىنسەڭىز، ءوزىڭىزدى قيناماڭىز، باستىسى - نيەت پەن تالپىنىس
- ورازا تەك اشتىقپەن شەكتەلمەيتىنىن ءتۇسىنۋ ماڭىزدى. بۇل - رۋحاني تازارۋ، ءوز-وزىڭدى باقىلاۋ جانە ىشكى جان دۇنيەڭدى دامىتۋ كەزەڭى. كوپتەگەن ادام ورازا ارقىلى جاڭا ادەت قالىپتاستىرىپ، ءوزىن جاڭا قىرىنان تانيدى.
- ەگەر اينالاڭىزدا ورازا ۇستايتىن ادامدار بولسا، ولارمەن بىرگە ۇستاۋ سىزگە جەڭىل بولادى.
- ءار كۇنىڭىزدى جەتىستىك رەتىندە قابىلداپ، ءوزىڭىزدى ماقتاپ وتىرىڭىز. ورازا ۇستاۋ – ەرىك-جىگەردى قاجەت ەتەتىن عيبادات، سوندىقتان كىشكەنتاي جەڭىستىڭىز ءۇشىن ءوزىڭىزدى ماراپاتتاڭىز.
ورازا 2026 جىلى قاشان باستالادى؟
قازاقستان مۇسىلماندارى ءدىني باسقارماسىنىڭ شاريعات جانە ءپاتۋا ءبولىمى تۇركى مەملەكەتتەرى ۇيىمىنا قاراستى مۇفتيلەر القاسى جانىنداعى ءپاتۋا كەڭەسىمەن اقىلداسا كەلە بيىل رامازان ايى باستالاتىن كۇندى بەكىتتى.
ورتاق ءپاتۋاعا سايكەس قاسيەتتى رامازان ايى 19 اقپاندا باستالادى.
رامازان 2025: ءقادىر ءتۇنى قاشان؟
قمدب مالىمەتىنشە، 17 ناۋرىزعا قاراعان ءتۇن - قاسيەتتى ءقادىر ءتۇنى. 20 ناۋرىز - ورازا ايت مەرەكەسى.