الماتى قالاسىندا وتكەن «قىزمەت باعىتى بويىنشا كوللەدج ديرەكتورلارىنىڭ ورىنباسارلارىنىڭ ادىستەمەلىك ماتەريالدارىنىڭ قالالىق كونكۋرسىندا» الماتى مەملەكەتتىك بيزنەس كوللەدجىنىڭ وقۋ-وندىرىستىك جۇمىسى جونىندەگى ديرەكتوردىڭ ورىنباسارى دۋيسەنبايەۆا ۋلجالگاس كامالوۆنا «ناۋبايحانا شەبەرلىگى» قۇزىرەتتىلىك ورتالىعىنىڭ جۇمىسىن ۇيىمداستىرۋدى جەتىلدىرۋ تاقىرىبىنداعى ادىستەمەلىك جۇمىسىمەن ءى ورىنعا يە بولدى.
بايقاۋ بارىسىندا ول «ناۋبايحانا شەبەرلىگى» قۇزىرەتتىلىك ورتالىعىنىڭ ۇزدىكسىز جۇرگىزىلىپ كەلە جاتقان جۇمىستارى مەن قول جەتكىزگەن ناقتى ناتيجەلەرىن جان-جاقتى تانىستىردى. ادىستەمەلىك ەڭبەكتە ورتالىقتىڭ قىزمەتىن ءتيىمدى ۇيىمداستىرۋ جولدارى، دەمونستراسيالىق ەمتيحانداردى WorldSkills حالىقارالىق ستاندارتتارىنا ساي وتكىزۋ، CIS جۇيەسى ارقىلى ءادىل باعالاۋ، سونداي-اق ستۋدەنتتەردىڭ كاسىبي جانە كاسىپكەرلىك قابىلەتتەرىن دامىتۋ تاسىلدەرى كەڭىنەن قامتىلعان.
اتالعان ءبىلىم ورداسىندا ون جىلدان استام ۋاقىت بويى وقۋ-وندىرىستىك جۇمىسقا جەتەكشىلىك ەتىپ كەلە جاتقان بىلىكتى ماماننىڭ پەداگوگيكالىق ەڭبەك جولى 20 جىلدان اسادى.
بۇل جەڭىس — كوللەدج ۇجىمىنىڭ جۇيەلى ەڭبەگىنىڭ، زاماناۋي ءبىلىم بەرۋ ءۇردىسىن تابىستى ەنگىزۋ مەن ستۋدەنتتەردىڭ كاسىبي شەبەرلىگىن ارتتىرۋداعى ناقتى ناتيجەلەرىنىڭ ايقىن كورىنىسى.