ۇلتتىق قۇندىلىقتار - تاربيەنىڭ ءتۇپ قازىعى

ۇلتتىق قۇندىلىقتار – ءاربىر ۇلتتىڭ بولمىسىندا عاسىرلار بويى اتادان بالاعا ميراس بولىپ كەلە جاتقان ادامگەرشىلىك قاعيداتتارى. عاسىردان - عاسىرعا جەتكەن حالىقتىڭ قازىناسى –  ءتىلى، ءدىنى، ءسالت-داستۇرى، ادەبيەتى مەن ونەرى ۇلتىمىزدىڭ رۋحاني بايلىعى. 

ءبىزدىڭ اتا-بالارىمىز  بالا تاربيەسىنە وتە كوپ كوڭىل بولگەن. قازاق حالقىنىڭ ۇلتتىق تاربيەسى - الەمدە تەڭدەسى جوق تاربيە دەسەك ارتىق ايتقاندىق ەمەس. بالانىڭ جاستايىنان ۇلتتىق قۇندىلىقتاردى دارىپتەۋىنىڭ، ەلىمىزدى، تۋعان جەرىمىزدى، ءدىنىمىز بەن ءتىلىمىزدى قۇرمەتتەۋىنىڭ نەگىزى وسى ۇلتتىق تاربيەنىڭ نەگىزىندە جاتىر. وتانىن سۇيەتىن پاتريوت، جوعارى ادامگەرشىلىك يەسى، ۇلتتىق رۋحى بيىك پاراساتتى ازامات تاربيەلەۋ ءۇشىن ۇلتتىق قۇندىلىقتارىمىزدى باسشىلىققا الۋ قاجەت. ونىڭ ماڭىزدىلىعى مەن قاجەتتىلىگى زور. ءبىز ءۇشىن ەلىمىزدىڭ وركەندەۋى، ۇلتتىق ەرەكشەلىگىمىز بەن ۇلتتىق قۇندىلىقتارىمىزدى ساقتاۋ – قىمبات قازىنا.

وسى ۇلتتىق تاربيەنى بالالاردىڭ بويىنا ءسىڭىرۋ ماقساتىندا ماعجان جۇمابايەۆ اتىنداعى №137 جالپى ءبىلىم بەرەتىن مەكتەپتىڭ ۇستازدارىنىڭ، اتا-انالارىنىڭ  اتقارىپ جاتقان جۇمىسى مەن تاربيەگە قوسىپ جاتقان ۇلەسى وتە كوپ.  بالالاردىڭ ۇلتتىق ساناسىنىڭ قالىپتاسۋىندا ءاربىر  جۇرگىزىلەتىن ءىس-شارالاردىڭ الاتىن ورنى ەرەكشە. مەكتەبىمىزدە جۇرگىزىلىپ وتىراتىن تاربيەلىك ءمانى زور ءىس-شارالار وسىنىڭ دالەلى دەسەك بولادى.

اتاپ ايتاتىن بولساق، بۇگىنگى وتكىزىلىپ وتىرعان، «ۇلتتىق قۇندىلىقتار - تاربيەنىڭ ءتۇپ قازىعى» اتتى ادەبي - سازدى كەشىمىز وسىعان ناقتى دالەل بولا الادى. ارينە، حالقىمىزدىڭ ۇلتتىق قۇندىلىقتارى وتە كوپ. بۇگىنگى كەشتە ولاردى ىرىكتەپ، بىرنەشە بولىككە ءبولىپ قاراستىردىق.

ەڭ ءبىرىنشى كەزەكتە، ارينە، قۇندىلىقتى ءسوز ەتكەندە – تاۋەلسىزدىك جانە تاريحي تانىمىنان  باستاپ، تاۋەلسىزدىكتىڭ ارقاسىندا، قازاق ەلىن، قازاقستان حالقىن الەم تانىپ  مويىنداعانى ءسوز ەتىلدى. تاريح – ءتار­بيە­ءشى، ۇلت­­تىڭ  باعدارى، جول سىلتەۋشىسى.  تاريحى بەكەم جاسالعان حالىق دۇرىس باعىت الادى. بىرەگەي كوپ تومدىق مەملەكەتتىك تاريحىمىزدى ءوزىمىز جازباي ۇلتتىق قۇندىلىقتارىمىزدى ورنىقتىرا المايمىز.

كەلەسى كەزەكتە ەل مەن جەر، ۇلتتىق رۋح، ءتىل، ادەبيەت جانە رۋحانيات، قولونەر، ۇلتتىق مادەنيەت، ۇلتتىق ءداستۇر، وتباسىلىق تاربيە تۋرالى ايتىلىپ، مەكتەپ وقۋشىلارى ءوز ونەرلەرىمەن كوپشىلىكتى ءتانتى ەتتى.

قورىتا ايتقاندا، قازىرگى زاماندا باسەكەگە قابىلەتتى ەلدەردىڭ قاتارىنا قوسىلۋ ءۇشىن، الدىمەن، ءوزىمىزدىڭ اتا-بابامىزدان قالعان ءسالت-داستۇردى، مادەنيەتىمىزدى ساقتاي وتىرىپ، كەلەشەك ۇرپاقتى سول ارقىلى رۋحاني ادامگەرشىلىككە تاربيەلەۋىمىز كەرەك. سالاۋاتتى دا سانالى ۇرپاق قامىن ويلار بولساق، سول قوعام يەلەرىن جان-جاقتى، اقىل پاراساتى مول، ىزەتتى، كىشىپەيىل، مادەنيەتتى ازامات ەتىپ تاربيەلەۋ – ۇستازدىڭ، ءاربىر اتا-انانىڭ قوعام الدىنداعى بورىشى دەپ بىلەمىز. 

ۇلتتىق قۇندىلىقتار: تاربيەنىڭ ءتۇپ قازىعى - ەسسە شىعارما