19 قازاندا پاريجدەگى لۋۆردى تونالدى. وندا اشەكەي بۇيىمدار مەن قۇندى زاتتار ۇرلانعان. كەيىن كۇدىكتىلەر قاماۋعا الىنعانى بەلگىلى بولدى. بۇل ءححى عاسىرداعى باستى وقيعالاردىڭ ءبىرى بولدى. اqshamnews.kz ءتىلشىسى قازاقستانداعى شۋلى توناۋ ىستەرىنە شولۋ جاسادى.
الماتىدا 1996 جىلى زەرگەرلىك دۇكەن تونالدى. قاراقشىلار كۇزەتشىنى اتىپ، 20 مىڭ دوللاردى الىپ كەتكەن. بۇل تۋرالى "رەيدەر" باعدارلاماسىندا كورسەتىلدى.
2017 جىلعى توناۋ دەرەگى
بۇعان ۇقساس جاعداي 2017 جىلى 22 تامىزدا الماتى وبلىسىنا قاراستى تالعارداعى Kaspi Bank بولىمشەسىندە بولدى. بەتپەردە كيگەن ۇرىلار شاتىر ارقىلى بولىمشەنىڭ كاسساسىنا ءتۇسىپ، قىزمەتكەر ايەلدەردى بايلاپ، اقشانى الىپ كەتكەن. كەيىن ولار ارقان ساتىلارىن پايدالانىپ، عيماراتتان قاشىپ كەتىپتى. بەينەباقىلاۋ كامەراسى قىلمىسكەرلەردى ءتۇسىرىپ العان. ولار نەبارى 2 مينۋتتا بانكتى توناپ ۇلگەرگەن.
عاسىر توناۋى
2009 جىلى استانادا “عاسىر توناۋى” ىسكە اسپاي قالدى. بەلگىسىز بىرەۋلەر “سەسنابانك” فيليالى تۇرعان عيماراتقا دەيىن جەر قازىپ جەتكەن. قىلمىس بىرنەشە اي بويى دايىندالعان. 75 مەترلىك توننەل بوس تۇرعان گاراجدار جاعىنان قازىلعان. ەدەندەگى تەسىكتى قىزمەتكەرلەردىڭ ءبىرى لينولەۋممەن جابىلعان جەرگە قۇلاپ كەتە جازداعاندا بايقاپ قالعان. دەگەنمەن قاراقشىلاردىڭ ويى ىسكە اسپاي قالدى، سەبەبى ۇرىلار قۇندى زات جوق قوسىمشا بولمەگە تۇسكەن. قىلمىسكەرلەردىڭ ءبىرى ۇستالىپ، ءتورت جىلعا باس بوستاندىعىنان ايىرىلدى.
كازينوداعى شابۋىل
سول جىلى قاپشاعايدا “فلامينگو” كازينوسىنا قارۋلى شابۋىل جاسالدى. 22 تامىزدا تاڭعى ءتورت شاماسىندا بەتپەردە كيىپ، قارۋ اسىنعان ءۇش ادام كازينوعا كىرىپ، جۇرتتى قارۋمەن قورقىتىپ، 30 ميلليون تەڭگەدەن اسا اقشانى قولدى قىلعان. كەيىن ولار قاپشاعاي تۇرعىنىن جارالاپ، كولىگىن تارتىپ الدى. كەيىن ونى بەلگىسىز جەرگە اپارىپ، اعاشقا بايلاپ كەتكەن. قىلمىس بەسىنشى كۇنى اشىلدى.
زەرگەرلىك دۇكەننىڭ تونالۋى
2010 جىلى الماتىنىڭ ورتالىعىندا زەرگەرلىك دۇكەنى تونالدى. قىلمىسكەرلەر ءبىر ميلليون دوللارعا جۋىق سوماعا ءۇش مىڭنان اسا التىن جانە كۇمىس اشەكەيدى ۇرلاپ كەتكەن. ۇرىلار ءبارىن مۇقيات ءارى الدىن الا جوسپارلاعان. عيماراتقا تۇندە ءۇيدىڭ جەرتولەسى ارقىلى كىرگەن. دۇكەننىڭ بەتون ەدەنىن بۇرعىلاپ، دابىلدى ءوشىرىپ، اشەكەيلەردى ەركىن الىپ شىققان. دۇكەن ورنالاسقان ءۇيدىڭ تۇرعىندارى بىردە-بىر كۇدىك تۋدىرعان دىبىس ەستىمەگەن. تەك تاڭەرتەڭ قىزمەتكەرلەر اشەكەيلەردىڭ جوعىن انىقتاعان.
ايىرباستاۋ پۋنكتىنە جاسالعان شابۋىل
2015 جىلى استانادا ايىرباستاۋ پۋنكتىنە قارۋلى شابۋىل جاسالدى. ءبىر جىگىت ايىرباستاۋ پۋنكتىنە كەلىپ، تەرەزەسىن سىندىرا باستاعان. كەيىن ۇرى پنيەۆماتيكالىق تاپانشادان وق اتقان. كاسسير ۇستەلدىڭ استىنا تىعىلىپ، كۇزەتكە حابارلاسقان. قىلمىسكەر شامامەن ەكى مىڭ رۋبل الىپ ۇلگەرگەن. كەيىن ول ۇستالدى.
لومبارد ءىسى
2016 جىلى استانادا لومباردقا شابۋىل جاسالىپ، ادامدار كەپىلگە الىنعان. 14 تامىزدا ساعات 08:30 شاماسىندا ەر ادام كەنەسارى كوشەسىندەگى “م-لومبارد” عيماراتىنا باسىپ كىرگەن. پنيەۆماتيكالىق تاپانشامەن قورقىتىپ، زەرگەرلىك بۇيىمداردى الماق بولىپ، كىرەبەرىس ەسىكتى ىشىنەن قۇلتتاپ، لومباردتىڭ ەكى قىزمەتكەرىن كەپىلگە العان. كەيىن شابۋىل جاساعان ەر ادام ىستەگەنىنە وكىنىپ، مۇنداي قىلمىسقا وتباسىنداعى اۋىر قارجىلاي جاعدايعا بايلانىستى بارعانىن ايتتى. ونىڭ ايتۋىنشا، قىزىنىڭ ەمىنە اقشا جەتپەگەن.