قار تازالاۋ جۇمىسىنا كەدەرگى كەلتىرمەڭىزدەر!

الماتىدا كوممۋنالدىق قىزمەتتەردىڭ تاۋلىك بويى كەزەكشىلىگى ۇيىمداستىرىلدى

12 اقپاندا ساعات 07:10-نان باستاپ الماتىدا قار ارالاس جاڭبىر جاۋا باستادى، ول كۇنى بويى اراسىندا ۇزىلىستەرمەن جاۋادى دەپ بولجانۋدا جانە قار 13 اقپان كۇنى تۇسكە دەيىن جاۋاتىن بولادى، دەپ حابارلايدى almaty-akshamy.kz  الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى

تۇنگى كەزەڭدە 487 بىرلىك ارنايى تەحنيكا، ونىڭ ىشىندە 172 قۇم تاراتقىشتىڭ جانە 286 جول جۇمىسشىسىنىڭ كەزەكشىلىگى ۇيىمداستىرىلدى. تروتۋارلاردى، جالپى پايدالانۋ ورىندارىن، الەۋمەتتىك ماڭىزى بار وبەكتىلەرگە قاردان تازارتۋ ءۇشىن 176 بىرلىك شاعىن گاباريتتى تروتۋار جيناۋ تەحنيكاسى تارتىلدى. 

ساعات 08.00-دەن باستا كۇشەيتىلگەن 528 تەحنيكا بىرلىگى جانە 1180 جول جۇمىسشىسى قاردى تازارتۋمەن اينالىسۋدا. اۋدان اكىمدىكتەرىندە قار تازالاۋ جۇمىستارىن باقىلاۋ بويىنشا تاۋلىك بويى كەزەكشىلىك ۇيىمداستىرىلعان. 

اۋا-رايىنىڭ ناشارلاۋىنا بايلانىستى جۇرگىزۋشىلەر مەن جاياۋ جۇرگىنشىلەردىڭ نازارىن جولدارداعى جاعدايعا ءجىتى نازار اۋدارۋدى سۇرايمىز. جۇرگىزۋشىلەر ءقاۋىپسىز جىلدامدىق رەجيمىن ساقتاۋى، اۆتوموبيلدەر اراسىنداعى قاشىقتىقتى جانە بۇيىرلىك ارالىقتى ءقاۋىپسىز قاشىقتىقتا ۇستاۋى كەرەك، جولدا مانيەۆر جاساعاندا اباي بوعان ءجون. 

سونداي-اق، جۇرگىزۋشىلەردەن قار تازالاۋ تەحنيكاسىنىڭ جۇمىسىنا كەدەرگى كەلتىرمەۋ ءۇشىن اۆتوكولىكتەردى تەك بەلگىلەنگەن ورىندارعا قويۋدى سۇرايمىز. 

ەستەرىڭىزگە سالا كەتەيىك، جولداردى، تروتۋارلاردى جانە قوعامدىق ورىنداردى ساپاسىز تازالاۋ جاعدايىندا Whats App +7 (706) 689 8898 بويىنشا جازۋعا بولادى.