2024 جىلعى 2 قىركۇيەكتە مەملەكەت باسشىسى قاسىم-جومارت توقايەۆ "ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم"" اتتى كەزەكتى جولداۋىن جاريالادى. قۇجاتتا ەلدىڭ ساياسي باعىتى، ەكونوميكالىق رەفورمالار، الەۋمەتتىك ماسەلەلەر مەن قاۋىپسىزدىك سالاسىنا قاتىستى ماڭىزدى شەشىمدەر ايتىلدى.
Aqshamnews.kz رەداكسياسى جولداۋدىڭ ءماتىنىن سارالاپ، پرەزيدەنت ءجيى قولدانعان ءسوزىن انىقتادى.
تالداۋ بارىسىندا ەڭ ءجيى قايتالانعان ءسوز "قاجەت" ەكەنى بەلگىلى بولدى. بۇل ءسوز جولداۋدا 94 رەتتەن استام قولدانىلعان. پرەزيدەنتتىڭ بىلتىر ۇكىمەتكە ءبىرقاتار تاپسىرما جۇكتەدى، سونداي-اق، ازاماتتارعا دا جاۋاپكەرشىلىكتى كۇشەيتۋ كەرەگىن ايتتى.
ماعىناسى جاعىنان ۇقساس "كەرەك" ءسوزى 84 رەت قولدانىلعان.
سونىمەن قاتار "دامۋ"، "ەكونوميكا"، "الەۋمەتتىك"، "حالىق" سوزدەرى دە ماتىندە ونداعان رەت كەزدەسكەن. بۇل جولداۋدىڭ نەگىزگى اكسەنتى – ەكونوميكالىق ءوسىم مەن الەۋمەتتىك ادىلەتتىلىك ەكەنىنىڭ دالەلى.
- دامۋ - 14 رەت؛
- ەكونوميكا - 32 رەت؛
- الەۋمەتتىك - 19 رەت؛
- حالىق - 31 رەت؛
- قازاقستان - 43 رەت قولدانىلعان.
سوزدەردىڭ جيىلىگىن سارالاۋ كەزىندە "زاڭ"، "ينۆەستيسيا"، "ءبىلىم" سەكىلدى ۇعىمدار دا ءجيى كەزدەسەتىنى بايقالدى. پرەزيدەنت ەلدىڭ تۇراقتى دامۋى ءۇشىن قۇقىقتىق جۇيەنىڭ ادىلدىگىن ارتتىرۋدى، بيزنەسكە قولايلى جاعداي جاساۋدى، جاڭا تەحنولوگيالاردى ەنگىزۋدى باستى باعىت رەتىندە اتاپ وتكەن.
- زاڭ - 47 رەت؛
- ينۆەستيسيا - 21 رەت؛
- ءبىلىم - 15 رەت قولدانىلعان.
توقايەۆتىڭ 2024 جىلعى جولداۋى – ەلدىڭ الەۋمەتتىك-ەكونوميكالىق ومىرىندە جاڭا كەزەڭ باستايتىن ماڭىزدى قۇجات. قايتالانعان سوزدەر پرەزيدەنتتىڭ باسىمدىقتارىن عانا ەمەس، مەملەكەت ءۇشىن ستراتەگيالىق ماڭىزى بار ماسەلەلەردى دە كورسەتىپ وتىر.
ەسكە سالايىق، بۇعان دەيىن توقايەۆ كەزەڭىندەگى جولداۋلارعا توقتالعان ەدىك.
قاسىم-جومارت توقايەۆتىڭ پرەزيدەنت رەتىندەگى العاشقى جولداۋى 2019 جىلعى 2 قىركۇيەكتە جاريالاندى. ول قوعامدىق ديالوگتى كۇشەيتۋگە جانە بيلىك پەن حالىق اراسىنداعى بايلانىسقا جاڭا سيپات بەرۋگە باعىتتالدى.
• 2020 جىلعى جولداۋ – پاندەميا كەزىندەگى داعدارىسقا قارسى شارالار مەن جاڭا جاعدايدا بەيىمدەلۋ ستراتەگياسى.
• 2021 جىلعى جولداۋ – جۇيەلى رەفورمالار، مەملەكەتتىك باسقارۋدى جەتىلدىرۋ، الەۋمەتتىك تەڭدىك ماسەلەلەرىن كوتەردى.
• 2022 جىلعى قوس جولداۋ ەلدەگى ساياسي رەفورمالاردىڭ باستاۋ نۇكتەسى بولدى. «جاڭا قازاقستان» ۇعىمى العاش رەت ساياسي ديسكۋرسقا ەنگىزىلىپ، ادىلەتتى مەملەكەت قۇرۋ يدەياسى العا شىقتى.
• 2023–2024 جىلدارداعى جولداۋلار ەكونوميكالىق باعىتتى ايقىنداپ، زاڭ مەن ءتارتىپتى كۇشەيتۋ، ادىلەتتى قوعام قالىپتاستىرۋدى باستى مىندەت رەتىندە بەلگىلەدى.