اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
ۇلتتىق جۇمىسپەن قامتۋ جوسپارى 73 پايىزعا ورىندالدى
ۇكىمەت مالىمەتىنشە، 3،3 ملن ازاماتتى جۇمىسقا ورنالاستىرۋ ماقساتىنا قول جەتكىزۋ ءۇشىن 2029 جىلعا قاراي كاسىپكەرلىكتى قولداۋ، ينۆەستيسيالىق جوبالاردىڭ مونيتورينگى جانە سيفرلىق ەكوجۇيەنى دامىتۋدى قوسا العاندا، شارالار كەشەنى ىسكە قوسىلدى. جىل باسىنان بەرى 480 مىڭعا جۋىق ادام جۇمىس تاپتى.
كولەڭكەلى ەكونوميكادان 28 ملرد تەڭگەدەن اسا قاراجات شىعارىلدى
2021 جىلدان باستاپ ازاماتتار مەن بيزنەسكە كورسەتىلەتىن قىزمەتتەردىڭ ساپاسىن جاقسارتۋعا باعىتتالعان سيفرلىق شەشىمدەر كەشەنى ەنگىزىلدى.
بۇل كولەڭكەلى ەكونوميكادان 28 ملرد تەڭگەدەن اسا قاراجاتتى شىعارىپ، 13 ملرد تەڭگەدەن استام بيۋدجەت قاراجاتىن ۇنەمدەۋگە مۇمكىندىك بەردى. ەنگىزىلگەن شەشىمدەردىڭ جالپى تيىمدىلىگى 51،3 ملرد تەڭگە بولدى.
كەيىنگى ەكى جىلدا 340 مەكتەپ پايدالانۋعا بەرىلدى
ولجاس بەكتەنوۆ ءبىلىم بەرۋ مەكەمەلەرىنىڭ قۇرىلىسى مەن جاڭعىرتۋ جۇمىستارى قارقىندى ءجۇرىپ جاتقانىن ايتتى. «كەلەشەك مەكتەپتەرى» جوباسى اياسىندا 310 مىڭ ورىنعا ارنالعان 160 مەكتەپ بوي كوتەردى.
2024-2025 جىلدارى بارلىعى 484 مىڭ ورىنعا ارنالعان 340 مەكتەپ پايدالانۋعا بەرىلدى. جىل اياعىنا دەيىن 111 مەكتەپ سالۋ جوسپارلانىپ وتىر.
گرانت، جاتاقحانا مەن ستيپەنديا
بيىل جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا 93 مىڭ گرانت ءبولىندى.
بيىل 3،5 مىڭ ورىنعا ارنالعان 4 جاتاقحانا ىسكە قوسىلدى. جىل اياعىنا دەيىن تاعى 10 مىڭ ورىندىق 29 جاتاقحانا اشۋ جوسپارلانىپ وتىر.
2024 جىلعى قىركۇيەكتەن باستاپ باكالاۆريات ستۋدەنتتەر شاكىرتاقىسى 20%-عا، ال ماگيسترانتتار مەن دوكتورانتتار شاكىرتاقىسىنىڭ مولشەرى 15%-عا ءوستى.
قازاقستاندا جىل باسىنان بەرى نارەستە ءولىمى 22،7 پايىزعا تومەندەدى
"ءبىز 2029-شى جىلعا قاراي حالىقتىڭ ءومىر ءسۇرۋ ۇزاقتىعىن كەمىندە 77 جىلعا جەتكىزۋ ماقساتىنا بىرتىندەپ جاقىنداپ كەلەمىز. بىلتىردىڭ قورىتىندىسى بويىنشا ءومىر ءسۇرۋ ۇزاقتىعى العاش رەت 75 جىل 4 ايعا جەتتى. مەملەكەت باسشىسىنىڭ قولداۋى مەن تۇراقتى نازارىنىڭ ارقاسىندا دەنساۋلىق سالاسىنداعى نەگىزگى كورسەتكىشتەردى جاقسارتۋعا قول جەتكىزىلدى"، — دەپ اتاپ ءوتتى ولجاس بەكتەنوۆ.
جەكە ينۆەستيسيالار ەسەبىنەن الماتى، شىمكەنت جانە قىزىلوردادا ءۇش جاڭا جولاۋشىلار تەرمينالى سالىندى. بۇل ولاردىڭ وتكىزۋ قابىلەتىن 6،5 ەسەگە ارتتىرۋعا مۇمكىندىك بەردى.
ءقازىر مەملەكەت باسشىسىنىڭ تاپسىرماسى بويىنشا زايسان، كەندىرلى جانە قاتونقاراعاي كۋرورتتىق ايماقتارىندا ءۇش جاڭا اۋەجايدىڭ قۇرىلىسى، سونداي-اق ارقالىق قالاسىنداعى اۋەجايدى قالپىنا كەلتىرۋ جۇمىستارى ءجۇرىپ جاتىر.