شارا ق ر پرەزيدەنتى قاسىم-جومارت توقايەۆتىڭ پاكىستان يسلام رەسپۋبليكاسىنا مەملەكەتتىك ساپارى اياسىندا ءوتىپ جاتىر، دەپ حابارلايدى aqshamnews.kz
فورۋم ساپاردىڭ نەگىزگى ىسكەرلىك الاڭىنا اينالادى جانە قازاقستان مەن پاكىستاننىڭ مەملەكەتتىك ورگاندارى، كۆازيمەملەكەتتىك سەكتورى مەن بيزنەس وكىلدەرى اراسىنداعى تىكەلەي ديالوگتى قامتاماسىز ەتپەك.
فورۋمدا بەيىندى ۆەدومستۆولاردىڭ، ۇلتتىق كومپانيالاردىڭ، قارجى ينستيتۋتتارىنىڭ جانە ءىرى جەكە كومپانيالاردىڭ باسشىلارى قاتىساتىن پلەنارلىق سەسسيا، B2B جانە B2C فورماتتارىندا كەزدەسۋلەر وتكىزۋ، سونداي-اق كوممەرسيالىق قۇجاتتارعا قول قويۋ ءراسىمى وتەدى.
بيزنەس-فورۋمعا قازاقستاندىق تاراپتان بارلىعى 143 وكىل قاتىسادى، ونىڭ 24ء-ى كۆازيمەملەكەتتىك سەكتور جانە 119-ى بيزنەس-قوعامداستىق وكىلى. پاكىستان تاراپىنان ءىس-شاراعا 180 كومپانيا قاتىسىپ جاتىر.
فورۋم اياسىندا بىرلەسكەن ينۆەستيسيالىق پلاتفورمالار قۇرۋدى، پاكىستاننىڭ پورت ينفراقۇرىلىمىن پايدالانا وتىرىپ، كولىك-لوگيستيكالىق مارشرۋتتاردى دامىتۋدى، ەلەكتروندىق كوممەرسيا مەن پوچتا لوگيستيكاسىن، بانكتىك جانە يسلامدىق قارجىلاندىرۋدى، ونەركاسىپتىك كووپەراسيانى، ەلەكتر اۆتوبۋستارىن، قانتتى، قۇرىلىس ماتەريالدارى مەن لاك-بوياۋ ونىمدەرىن ءوندىرۋدى، سونداي-اق IT، GovTech، ستارتاپ-ەكوجۇيە، توقىما ونەركاسىبى، مەديسينا جانە قورعانىس-ونەركاسىپ كەشەنى سالالارىندا ىنتىماقتاستىقتىڭ كەڭ اۋقىمدى باعىتىن قامتيتىن كەلىسىمدەرگە قول قويۋ جوسپارلانعان.