ەنەرگەتيكا ءمينيسترى 2026 جىلعى 30 قاڭتارداعى بۇيرىقپەن موتور مايلارىن تاڭبالاۋ جانە قاداعالاۋ ەرەجەلەرىن بەكىتتى، دەپ حابارلايدى aqshamnews.kz
موتور مايلارىن تاڭبالاۋ جانە ولاردى قاداعالاۋ قاعيدالارى ق ر اۋماعىندا موتور مايلارىن سايكەستەندىرۋ قۇرالدارىمەن تاڭبالاۋ ءتارتىبىن، سونداي-اق ولاردىڭ ودان ءارى قاداعالاۋ ءتارتىبىن ايقىندايدى.
ءوندىرۋشى قازاقستان رەسپۋبليكاسىنىڭ اۋماعىندا وندىرىلگەن موتور مايلارىن جاڭا مەنشىك يەسىنە نەمەسە باسقا تۇلعاعا العاشقى اقىعا نەمەسە اقىسىز بەرۋ الدىنداعى سايكەستەندىرۋ قۇرالى ارقىلى تاڭبالاۋدى جۇزەگە اسىرادى، بۇل تاڭبالاۋ سول تۇلعاعا مەنشىكتەۋ نەمەسە كەيىننەن وتكىزۋ ماقساتىندا جۇزەگە اسىرىلىپ، ونىڭ تارالۋى جانە (نەمەسە) قولدانىلۋى ءۇشىن قولجەتىمدىلىگىن قامتاماسىز ەتەدى.
يمپورتتاۋشى قازاقستان رەسپۋبليكاسىنىڭ اۋماعى سىرتىندا وندىرىلگەن موتور مايلارىن قازاقستان رەسپۋبليكاسىنىڭ اۋماعىنا اكەلۋ الدىنداعى نەمەسە ىشكى تۇتىنۋ ءۇشىن، سونداي-اق قايتا ەكسپورت (رەيمپورت) ماقساتىندا كەدەندىك راسىمدەرگە قويۋ الدىنداعى سايكەستەندىرۋ قۇرالى ارقىلى تاڭبالاۋدى قامتاماسىز ەتەدى.
موتور مايلارى اينالىمى قاتىسۋشىلارىنىڭ تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندەگى قىزمەتىن جۇزەگە اسىرۋ شارتتارى:
ەلەكتروندىق سيفرلىق قولتاڭبانىڭ بولۋى؛
تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىنە بايلانىس ارنالارى ارقىلى قوسىلعان اپپاراتتىق-باعدارلامالىق كەشەن، ول وپەراتورعا تاڭبالاۋ كودتارىن الۋ، تاڭبالاۋ كودتارىن قولدانۋ تۋرالى مالىمەتتەردى جىبەرۋ، سودان كەيىن سايكەستەندىرۋ قۇرالدارىن اگرەگاتتاۋ (اگرەگاتتاۋ قولدانىلعان جاعدايدا) تۋرالى اقپاراتتى، سونداي-اق تاۋارلاردى اينالىمعا ەنگىزۋ، اينالىمى جانە (نەمەسە) اينالىمنان شىعارۋ تۋرالى مالىمەتتەردى اقپاراتتىق جۇيەگە اۆتوماتتاندىرىلعان تۇردە بەرۋ مۇمكىندىگىن قامتاماسىز ەتەدى، ەلەكتروندىق ءوزارا ءىس-قيمىل ينتەرفەيسى تالاپتارىنا سايكەس، وپەراتوردىڭ ينتەرنەت-رەسۋرسىندا جاريالانعان شارتتارعا ساي.
وسىنداي اپپاراتتىق-باعدارلامالىق كەشەن بولماعان نەمەسە تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىنە ينتەگراسياسى جوق بولعان جاعدايدا، موتور مايلارى اينالىمىنىڭ قاتىسۋشىسى مالىمەتتەردى تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىنىڭ جەكە كابينەتى ارقىلى وپەراتورعا جىبەرەدى.
موتور مايلارىن بولشەك ساۋدادا وتكىزۋ ارقىلى جۇزەگە اسىراتىن اينالىمعا قاتىسۋشى بەلگىلەنگەن شارتتاردان بولەك، مىناداي شارتتاردىڭ:
دەرەكتەردى تىركەۋ جانە (نەمەسە) بەرۋ فۋنكسياسى بار باقىلاۋ-كاسسالىق ماشيناسىنىڭ بولۋىن؛
سايكەستەندىرۋ قۇرالدارىن وقۋ ءۇشىن باقىلاۋ-كاسسا ماشيناسىنا قوسىلۋ مۇمكىندىگى بار سكانەرلەۋ قۇرىلعىسىنىڭ بولۋىن؛
ءاربىر وتكىزىلگەن موتور مايى بىرلىگى بويىنشا تاڭبالانعان موتور مايلارىن اينالىمنان شىعارۋ تۋرالى مالىمەتتەردى باقىلاۋ-كاسسالىق ماشيناسى ارقىلى بەرۋ جونىندە فيسكالدىق دەرەكتەر وپەراتورىمەن جاسالعان كەلىسىمنىڭ بولۋىن قامتاماسىز ەتەدى.
موتور مايلارى اينالىمىنىڭ قاتىسۋشىسى ءوز اتىنان تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندە مالىمەتتەردى بەرۋ جانە سۇراۋ قۇقىعىنا يە ۋاكىلەتتى تۇلعالاردى انىقتايدى.
موتور مايلارى اينالىمىنىڭ قاتىسۋشىسى تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندە تىركەلگەننەن كەيىن وپەراتور 24 ساعات ىشىندە:
تىركەۋ تۋرالى اقپاراتتى تىركەۋ كەزىندە كورسەتىلگەن ەلەكتروندىق پوشتانىڭ مەكەنجايىنا جىبەرەدى؛
موتور مايلارى اينالىمىنىڭ قاتىسۋشىسىن تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندەگى قاتىسۋشىلار تىزىلىمىنە ەنگىزەدى؛
موتور مايلارى اينالىمىنىڭ قاتىسۋشىسىن تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندەگى جەكە كابينەتكە قول جەتكىزۋدى ۇسىنادى.
موتور مايىن تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندە تىركەۋ مىنالار:
موتور مايى قازاقستان رەسپۋبليكاسىنىڭ اۋماعىندا وندىرىلگەن جاعدايدا – ءوندىرۋشى (ونىڭ ىشىندە شارتتىق ءوندىرىس شەڭبەرىندە جانە (نەمەسە) ەركىن كەدەن ايماعى كەدەندىك ءراسىمى نەمەسە ەركىن قويما كەدەندىك راسىمىمەن ورنالاستىرىلعان شەتەلدىك شيكىزاتتان وندىرىلەتىن موتور مايلارىن قوسا العاندا)؛
موتور مايى قازاقستان رەسپۋبليكاسىنىڭ اۋماعىنان تىس جەرلەردە وندىرىلگەن جاعدايدا – يمپورتتاۋشى (قازاقستان رەسپۋبليكاسىنىڭ اۋماعىنا اكەلگەنگە دەيىن) جۇزەگە اسىرادى.
"موتور مايى" ساناتىندا موتور مايىن تىركەۋ ءۇشىن موتور مايلارى اينالىمىنىڭ قاتىسۋشىسى تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندە مىناداي مالىمەتتەردى كورسەتەدى:
موتور مايلارى اينالىمى قاتىسۋشىسىنىڭ جەكە سايكەستەندىرۋ ءنومىرى نەمەسە بيزنەس-سايكەستەندىرۋ ءنومىرى؛
تاۋاردىڭ تولىق اتاۋى؛
ساقتاۋ مەرزىمى تۋرالى مالىمەتتەر؛
تاۋار تاڭباسى، تاۋار تاڭباسىنداعى اينالىم بەلگىسى، اينالىم جانە سايكەستىك بەلگىلەرى تۋرالى مالىمەتتەر؛
تاۋاردىڭ ءوندىرۋشىسى مەن دايىنداۋشىسى تۋرالى مالىمەتتەر؛
تاۋاردىڭ GTIN كودى؛
ەكونوميكالىق قىزمەت تۇرلەرى بويىنشا ءونىمنىڭ كود جىكتەۋىشى؛
ەاەو سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ كودى؛
GPC كودى؛
ماركاسى؛
ءونىمنىڭ ارنالۋى؛
موتور مايىنىڭ ەاەو تەحنيكالىق رەگلامەنتتەرىنىڭ تالاپتارىنا نەمەسە قازاقستان رەسپۋبليكاسى زاڭناماسىمەن بەلگىلەنگەن مىندەتتى تالاپتارعا سايكەستىگى تۋرالى دەكلاراسيا؛
موتور مايىنىڭ تۇتقىرلىق كلاسى؛
كولەمى؛
كولەمنىڭ ولشەم بىرلىگى.
موتور مايى تۋرالى مالىمەتتەردى تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندە تىركەۋ مىناداي جاعدايلاردا:
GTIN تاۋارىنىڭ كودى كورسەتىلگەن موتور مايى تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسىندە بۇرىننان تىركەلگەن بولسا؛
GS1 اقپاراتتىق رەسۋرسىنىڭ دەرەكتەرى بويىنشا GTIN تاۋارىنىڭ كودى موتور مايلارى اينالىمىنىڭ قاتىسۋشىسى تاراپىنان پايدالانۋعا جاتپايتىن بولسا؛
GS1 اقپاراتتىق رەسۋرسىنىڭ دەرەكتەرى بويىنشا GTIN تاۋارىنىڭ كودى جوق بولسا جۇزەگە اسىرىلمايدى.
موتور مايلارىنىڭ سايكەستەندىرۋ قۇرالى ماشينامەن وقۋ ءۇشىن جارامدى GS1 DataMatrix ەكى ولشەمدى شتريح-كودى تۇرىندە تۇتىنۋشىلىق جانە (نەمەسە) توپتىق قاپتاماعا، نە تىكەلەي تۇتىنۋشىلىق قاپتاماعا جانە (نەمەسە) توپتىق قاپتاماعا ورنالاستىرىلاتىن جانە سايكەستەندىرۋ قۇرالىن زاقىمداماي ءبولىپ الۋعا جول بەرمەيتىن ادىسپەن جاعىلاتىن ەتيكەتكاعا قولدانىلادى. سايكەستەندىرۋ قۇرالى تۇتىنۋشىلىق قاپتامانىڭ زاقىمدالماي الىناتىن كونسترۋكسيالىق بولشەكتەرىنە ورنالاستىرىلمايدى.
تاڭبالانعان موتور مايلارىن توپتىق قاپتاماعا جيناقتاۋ كەزىندە قاجەت بولعان جاعدايدا مۇنداي قاپتاماعا وسى قاپتاماعا ورنالاستىرىلعان تاۋارلاردىڭ سايكەستەندىرۋ قۇرالدارىن اگرەگاتتاۋدى قامتيتىن سايكەستەندىرۋ قۇرالى قولدانىلادى.
كولىكتىك قاپتامانىڭ سايكەستەندىرۋ كودىنىڭ قۇرامىن موتور مايلارىن كولىكتىك قاپتاماعا اگرەگاتتاۋ جۇزەگە اسىرىلاتىن اينالىمعا قاتىسۋشى ايقىندايدى.
شتريح-كود فورماتىنداعى سايكەستەندىرۋ قۇرالدارى:
سايكەستەندىرۋ قۇرالىن ىرىكتەپ تاڭداۋ ارقىلى قولدان جاسالۋ ىقتيمالدىعىن 10 000 (ون مىڭ) جاعدايدىڭ بىرىنەن تومەن دەڭگەيدە قامتاماسىز ەتەدى؛
DataMatrix ECC200 دەڭگەيىندەگى نەمەسە ودان جوعارى دەڭگەيدەگى قاتەلەردى تانۋ جانە تۇزەتۋ فۋنكسياسىن قامتاماسىز ەتەدى.
تاۋارلاردى تاڭبالاۋ مەن ولاردىڭ قاداعالانۋىنىڭ اقپاراتتىق جۇيەسى تۇتىنۋشىلىق جانە (نەمەسە) توپتىق قاپتاماعا نەمەسە تاۋاردىڭ تىكەلەي قاپتاماسىنا نەمەسە توپتىق قاپتاماعا ورنالاستىرىلعان سايكەستەندىرۋ قۇرالىندا قامتىلعان تاڭبالاۋ كودىن قايتا قالىپتاستىرۋعا (گەنەراسيالاۋعا) جول بەرمەيدى.
بۇيرىق 2027 جىلعى 1 اقپاننان باستاپ ەنگىزىلەتىن نورمالاردى قوسپاعاندا، 2026 جىلعى 4 ساۋىردەن باستاپ قولدانىسقا ەنگىزىلەدى.