الماتى قالاسى ورتالىقتاندىرىلعان كىتاپحانالار جۇيەسىنە قاراستى قۇلبولدى كىتاپحاناسىندا ءحانتاڭىرىنىڭ مۇزبالاق اقىنى مۇقاعالي Mاقاتايەۆتىڭ 95 جىلدىعىنا وراي «ءار ولەڭى – ءبىر الەم» اتتى ادەبي-سازدى كەش ءوتتى. بۇل شارا اقىننىڭ شىعارماشىلىعىن جاستارعا تانىستىرۋ، ونىڭ ادەبي مۇراسىن ناسيحاتتاۋ.
كەشتىڭ باستى ماقساتى – م.ماقاتايەۆتىڭ ادەبي مۇراسىن تانىتۋ، ونىڭ پوەزياسىنىڭ قوعامداعى، رۋحاني جانە مادەني ومىردەگى ماڭىزدىلىعىن كورسەتۋ بولدى. كەزدەسۋ بارىسىندا اقىننىڭ شىعارمالارىنىڭ تەرەڭدىگى مەن رۋحاني قۋاتىن ۇعىنۋ اۋديتورياعا ۇلكەن وي سالدى.
ادەبي كەشتە قازاقستان جازۋشىلار وداعىنىڭ مۇشەءسى مۇحتارحان قالي ۇلى مەن باقىت بەدەلحان ۇلى، سونداي-اق، «ADILMED» كوللەدجءىنىڭ ستۋدەنتتەرى، №188 مەكتەپ-گيمنازياسىنىڭ ۇستازدارى مەن وقۋشىلارى قاتىستى.
كەلگەن قوناقتارعا، ۇستازدار مەن وقۋشىلارعا كىتاپحانا ىشىندە تانىستىرىلىممەن باستالىپ، ارى قاراي كەش جالعاسىن تاپتى.
مۇحتارحان قالي ۇلى اقىن تۋرالى ەستەلىكتەرىمەن ءبولىسىپ، ونىڭ شىعارماشىلىعىنىڭ ەرەكشەلىكتەرى مەن ماڭىزدىلىعىنا توقتالدى. ول م.ماقاتايەۆتىڭ پوەزياسىنىڭ تەرەڭ ماعىنالى تۇستارىنا توقتالا، ءوزىنىڭ شىعارماشىلىعىنا اقىننىڭ تىكەلەي اسەر بەرگەنى تۋرالى
باقىت بەدەلحان ۇلى جاستارعا قىزىعىمەن قيىنشىلىعى قاتار جۇرەتىن اقىندىق جولدىڭ ماڭىزى مەن رۋحاني ءومىردىڭ ءمانىن جەتكىزدى. ول پوەزيانىڭ ادام ومىرىندەگى ءرولىن، ەموسيونالدىق جانە ينتەللەكتۋالدىق دامۋ ءۇشىن قاجەتتىلىگىن باسا ايتتى.
مەكتەپ وقۋشىلارى كەشتىڭ ەرەكشە قاتىسۋشىلارى بولدى. ولار وزدەرى دايىنداپ كەلگەن ساحنالىق كورىنىستەرىن كورسەتىپ، م.ماقاتايەۆتىڭ ولەڭدەرىن ناقىشىنا كەلتىرە جاتقا وقىدى. №188 مەكتەپ-گيمنازياسىنىڭ 10-سىنىپ وقۋشىلارى مەدەت ۇلى يسلام، ءومىرباي الديار، ءشارىپحان ايزەرە، ەرەجەپ اكبارجان، قياقباي جانەركە ءوز ونەرلەرىمەن كەشتى جانداندىرىپ، جالپى اتموسفەراعا رۋح بەردى. شىڭدىقتار مەن ولەڭدەر باستارىندا شىعارماشىلىق شەبەرلىك پەن ارتيستەردىڭ جۇرەكتەرىمەن كورەرمەندى باۋراپ الدى.
كەش بارىسىندا قاتىسۋشىلار اقىننىڭ شىعارماشىلىعىنا قاتىستى ءوز ويلارىن ەركىن ايتتى، سۇراقتارىن قويدى، پىكىرلەرىمەن ءبولىستى. م.ماقاتايەۆتىڭ پوەزياسىنىڭ ۇلتتىق مادەنيەتىمىزدەگى ورنى مەن جاستارعا بەرەتىن تاربيەلىك ءمانى جونىندە تالقىلاندى. كەلگەندەر اقىننىڭ ادەبيەتتەگى ماڭىزدىلىعىن جانە پوەزيانىڭ ءبىلىم مەن تاربيەدەگى ءرولىن اتاپ ءوتىپ، شىعارماشىلىعىندا قازاق ادەبيەتىنىڭ قۇندى مۇراسى ەكەندىگىن ءبىلدىردى.
شارا بارىسىندا «مۇقاعالي- ماڭگىلىك عۇمىر» اتتى اقىننىڭ ءومىرى مەن شىعارماشىلىعىنا ارنالعان كىتاپ كورمەسى قويىلىپ، شولۋ جاسالدى. قۇلبولدى كىتاپحاناسى ۇيىمداستىرعان بۇل كەش — م.ماقاتايەۆتىڭ شىعارماشىلىق مۇراسىن ناسيحاتتاپ، ونىڭ پوەزياسىنىڭ حالىققا ادال قىزمەتىن كورسەتۋ ماقساتىنداعى ماڭىزدى شارالاردىڭ ءبىرى بولدى. مۇنداي ءىس-شارالار ناعىز ءسوز ونەرىنە باۋلىپ، جاستاردىڭ ۇلتتىق مادەنيەتكە دوستىق جانە جاۋاپكەرشىلىكپەن قاراۋىن قالىپتاستىرۋعا ىقپال ەتەدى.