ءماجىلىس دەپۋتاتى ناۋرىز سايلاۋباي پرەمەر-مينيستردىڭ ءبىرىنشى ورىنباسارى رومان سكليارعا 10،11-سىنىپ وقۋشىلارىنىڭ وقۋ باعدارلاماسىنا جول قاۋىپسىزدىگى ەرەجەلەرى كۋرسىن ەنگىزۋ تۋرالى دەەپۋتاتتىق ساۋال جولدادى، دەپ حابارلايدى aqshamnews.kz
دەپۋتاتتىڭ ايتۋىنشا، وكىنىشكە قاراي، سوڭعى جىلدارى ەلىمىزدە جول-كولىك وقيعالارىنىڭ جيىلەپ كەتكەنى بارشا جۇرتتى الاڭداتىپ وتىر. سونىڭ سالدارىنان بۇتىندەي ءبىر وتباسىنىڭ قارا جامىلىپ قالعان جاعدايلارىنادا كۋا بولىپ ءجۇرمىز.
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ دەرەگىنە سۇيەنسەك، 2025 جىلى ەلىمىزدە 36 مىڭنان استام جول-كولىك وقيعاسى تىركەلگەن. اتالعان وقيعالاردىڭ كەسىرىنەن 2،3 مىڭ نان استام ازامات قازا تاپسا، 49،2 مىڭى جاراقات العان. سالدارىنان جۇزدەن استام ادام مۇگەدەكتەر ارباسىنا تاڭىلىپ قالدى. ولاردىڭ كوپشىلىگى بۇگىنگى كۇنى وزدىگىنەن ءومىر ءسۇرۋ قابىلەتىنەن ايىرىلىپ، وزگەنىڭ كومەگىنە مۇقتاج كۇيدە قالىپ وتىر. بۇل قاتاردا ەل بولاشاعى سانالاتىن بالالار مەن جاستاردىڭ دا بار ەكەنى ءبىزدى ەرەكشە الاڭداتادى.
- قازىرگى ۋاقىتتا قوعام تالقىسىنا ۇسىنىلىپ وتىرعان كونستيتۋسيانىڭ جاڭا جوباسىنىڭ 1-بابىنىڭ 1-تارماعىندا «ادام ەڭ جوعارى قۇندىلىق»،- دەپ ناقتى كورسەتىلگەن. ەندەشە ەڭ باستى قۇندىلىق سانالاتىن ازاماتتاردىڭ ءومىرىن قورعاۋ، اسىرەسە جول ۇستىندە تونەتىن ءقاۋىپتىڭ الدىن الۋ مەملەكەتتىك ساياساتتىڭ نەگىزگى باسىمدىقتارىنىڭ ءبىرى بولۋى ءتيىس. وسى تۇرعىدا ەڭ الدىمەن بالالارعا جول قوزعالىسى ەرەجەلەرىن مىندەتتى تۇردە مەڭگەرتىپ، ولارعا «امان قالۋدى» ەمەس، سانالى ءارى ءقاۋىپسىز مىنەز-قۇلىقتى قالىپتاستىرۋىمىز قاجەت. جولداعى ءقاۋىپ پەن ءولىم-جىتىم — تۇرمىستىق دەڭگەيدەگى ماسەلە ەمەس. بۇل — حالىقارالىق تاجىريبەگە، عىلىمي تاسىلدەرگە جانە ازاماتتاردىڭ ءوز ءومىرى مەن وزگەنىڭ ومىرىنە جاۋاپكەرشىلىكپەن قاراۋىن قالىپتاستىراتىن جۇيەلى مەملەكەتتىك ساياساتتى تالاپ ەتەتىن كۇردەلى پروبلەما، - دەدى دەپۋتات.
وسى ورايدا ناۋرىز سايلاۋباي ۇكىمەتكە ءبىرقاتار ۇسىنىستار جاسادى.
- قازاقستان رەسپۋبليكاسىنىڭ جالپى ءبىلىم بەرەتىن ورتا مەكتەپتەرىندە وقۋشىلار ءۇشىن «اۆتو ءىسى جانە جول قوزعالىسى قاۋىپسىزدىگى» اتتى فاكۋلتاتيۆتىك كۋرستى جاپپاي ەنگىزۋ؛ ءتۇرلى سيفرلىق قوسىمشالار ارقىلى قالاارالىق تاكسي قىزمەتىن كورسەتەتىن تۇلعالاردى انىقتاپ، ولارعا تاسىمالداۋشى ليسەنزياسىن بەرۋ، جۇرگىزۋشىلەردىڭ مىندەتتى مەديسينالىق تەكسەرۋدەن ءوتۋىن قامتاماسىز ەتۋ قاجەت. سونىمەن بىرگە، ەڭبەك جانە دەمالىس رەجيمىن ساقتاۋدى باقىلاۋ، قاجەت بولسا جولاۋشىلاردى دا ءتيىستى دەڭگەيدە ساقتاندىرۋدى سيفرلىق اگرەگاتورلار ارقىلى جۇزەگە اسىرۋ؛ جۇرگىزۋشى كۋالىگىن بەرۋ ماقساتىندا قىزمەت كورسەتەتىن ءبىلىم بەرۋ ورتالىقتارىنىڭ جۇمىسىن كۇشەيتىلگەن تارتىپتە قاداعالاپ، ولاردىڭ جول قوزعالىسى ەرەجەلەرىن وقىتۋ بارىسىندا قوعامدىق ءومىر ءۇشىن اسا ماڭىزدى جاۋاپتى مىنەز-قۇلىق مادەنيەتىن قالىپتاستىرۋىنا باسىمدىق بەرۋ كەرەك. ءبىزدىڭ ماقساتىمىز قاعاز جۇزىندەگى ەسەپتەر ەمەس، ادام ءومىرىن ناقتى ساقتاۋ، - دەيدى دەپۋتات.