قاسىم-جومارت توقايەۆ پەن پرەمەر-مينيستر شاحباز شاريف شاعىن قۇرامدا كەلىسسوز جۇرگىزدى، دەپ حابارلادى aqshamnews.kz اقورداعا سىلتەمە جاساپ.
تاراپتار سوڭعى جىلدارى قازاقستان مەن پاكىستان اراسىندا كوپجوسپارلى ىنتىماقتاستىق قارقىندى دامىپ كەلە جاتقانىن اتاپ ءوتتى. سونداي-اق ساياسي، ساۋدا-ەكونوميكالىق، ينۆەستيسيالىق جانە مادەني-گۋمانيتارلىق ىقپالداستىقتى نىعايتۋدىڭ پەرسپەكتيۆتى باعىتتارىن تالقىلادى.
كەزدەسۋ بارىسىندا ساۋدا، كولىك-لوگيستيكا، ەنەرگەتيكا، اۋىل شارۋاشىلىعى، سيفرلاندىرۋ، عارىش جانە قارجى سالالارىنداعى قارىم-قاتىناستى تەرەڭدەتۋ ماسەلەسىنە باسا نازار اۋدارىلدى.
قاسىم-جومارت توقايەۆ پەن شاحباز شاريف وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماستى.