ساراپتاما قورىتىندىسى بويىنشا كەلتىرىلگەن زالال 17،4 ملن تەڭگەنى قۇرادى.
قىزىلوردا قالاسىنداعى كوللەدجدىڭ بىرىندە ساباققا قاتىسپاعان ستۋدەنتتەرگە 17،4 ملن تەڭگە زاڭسىز ستيپەنديا اۋدارعان ديرەكتور جازالاندى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
وبلىستىق پروكۋراتۋرا قىزىلوردا قالاسىنداعى كوللەدجدەردىڭ بىرىندە ساباققا قاتىسپاعان جانە سەمەستر قورىتىندىسى بويىنشا قاناعاتتانارلىق باعا العان ستۋدەنتتەرگە ستيپەنديا اۋدارۋ دەرەگىن انىقتادى.
«اتالعان دەرەك بويىنشا وبلىس پروكۋراتۋراسى سوتقا دەيىنگى تەرگەۋدى تىركەدى. ساراپتاما قورىتىندىسى بويىنشا كەلتىرىلگەن زالال 17،4 ملن تەڭگەنى قۇرادى. قىزىلوردا قالاسىنىڭ №2 سوتىنىڭ ۇكىمىمەن كوللەدج ديرەكتورى ق ر قىلمىستىق كودەكسىنىڭ 371-بابىندا (نەمقۇرايلىلىق) كوزدەلگەن قىلمىس جاساعانى ءۇشىن كىنالى دەپ تانىلدى. وعان جازا تاعايىندالىپ، كەلتىرىلگەن زالال تولىق وتەلدى. وبلىستىق پروكۋراتۋرا تاراپىنان بيۋدجەت قاراجاتىن يگەرۋ سالاسىنداعى زاڭدىلىقتى قامتاماسىز ەتۋ جۇمىستارى جالعاسادى»، - دەپ ءمالىم ەتتى وبلىستىق پروكۋراتۋرادان.