جەتىسۋ وبلىسىندا 300-دەن اسا موپەد پەن ساموكات جۇرگىزۋشىلەرىنە ايىپپۇل سالىندى
جەتىسۋ وبلىسىندا 3 كۇن ىشىندە 300-دەن اسا موپەد پەن ساموكات جۇرگىزۋشىلەرنە ايىپپۇل سالىندى، دەپ حابارلايدى اlmaty-akshamy.kz.
وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، 12 ادام تىنىشتىقتى بۇزعان، 11 جۇرگىزۋشى تەحنيكالىق باقىلاۋدان وتپەگەن، 53ء-ى جول ەرەجەسىن ساقتاماعان، سونداي-اق ءبىرقاتارى باعدارشامنىڭ قىزىل تۇسىنە ءجۇرۋ سىندى وزگە دە زاڭ بۇزۋشىلىقتارعا جول بەرگەن.
جەتىسۋ وبلىسىنىڭ اۆتوجولدارىندا پوليسەيلەر موتوسيكل، سكۋتەر جانە موپەد جۇرگىزۋشىلەرىنىڭ قاتىسۋىمەن بولاتىن وقىس وقيعالاردىڭ الدىن الۋ جۇمىستارىن كۇشەيتتى. تەك سوڭعى ءۇش كۇندە پاترۋلدىك پوليسيا قىزمەتكەرلەرى 301 ەرەجە بۇزۋشىنى جاۋاپقا تارتتى.
«قازىرگى ۋاقىتتا كولىكتىڭ بۇل ءتۇرىن پايدالانۋ ءبىزدىڭ وبلىس تۇرعىندارى اراسىندا وتە كوپ. جول قوزعالىسى ەرەجەلەرى بارلىعىنا بىردەي. ولاردى ساقتاۋ سكۋتەر، ەلەكترسكۋتەرى، موپەد جانە موتوسيكل جۇرگىزۋشىلەرى ءۇشىن دە بىردەي مىندەت. ادەتتە، جول قاۋىپسىزدىگى تالاپتارىن ەلەمەۋدىڭ سالدارى قايعىلى جاعدايلارعا اكەلىپ سوعادى. وسىعان بايلانىستى پوليسيا وڭىردە جولدا ءجۇرۋ ەرەجەسىن بۇزۋشىلىقتاردى ەسكەرتۋ جانە الدىن الۋعا باعىتتالعان «موتوسيكل» پروفيلاكتيكالىق ءىس-شاراسىن وتكىزۋگە باستاماشى بولدى»، – دەدى جەتىسۋ وبلىسى پوليسيا دەپارتامەنتى جول پوليسياسى باسقارماسىنىڭ باستىعى قايسار مۇحمەتوۆ.
بەلگىلى بولعانداي، قۇقىق بۇزۋشىلاردىڭ كوبى تالدىقورعان قالاسىندا انىقتالدى. باعدارشام سيگنالىنا قاراماي ءوتۋ، مانيەۆر جاساۋ، جاياۋ جۇرگىنشىلەرگە باسىمدىق بەرمەۋ، تۇنگى ۋاقىتتا تىنىشتىقتى بۇزۋ، ماس كۇيىندە جۇرگىزۋ، جول-كولىك وقيعاسىن تۋدىرۋ جانە موتوشلەمدى كيمەۋ سياقتى بۇزۋشىلىقتار ءجيى كەزدەسەدى.