كەشە استانادا كۇن بۇزىلىپ، ءىرى-ىرى بۇرشاق جاۋدى. سالدارىنان كوپتەگەن كولىك زاقىمداندى. جاۋعان بۇرشاق كولىكتەردىڭ اينەكتەرىن تەسىپ، سىرتقى كورپۋسىن مايىستىرىپ جىبەردى. مۇنداي جاعدايدا كولىك يەسى نە ىستەۋ كەرەك؟ زاڭگەر ءوز كەڭەسىمەن ءبولىستى، دەپ حابارلايدى aqshamnews.kz.
زاڭگەر دانيار بايعاباتوۆتىڭ ايتۋىنشا، مۇنداي جاعدايعا تاپ بولعان كەيبىر جۇرگىزۋشىلەر شىعىننىڭ ءبىر بولىگىن قايتارىپ الۋى مۇمكىن.
"ەگەر كولىك قۇرالىنىڭ مەنشىك يەسىندە ساقتاندىرۋ كومپانياسىمەن كولىكتىڭ جاعدايىنا قاتىستى ەرىكتى ساقتاندىرۋ شارتى جاسالسا، وندا تابيعي اپاتتار سالدارىنان كەلتىرىلگەن شىعىن ءۇشىن ساقتاندىرۋ تولەمىن جۇزەگە اسىرۋ كوزدەلگەن بولسا، مەنشىك يەسى ساقتاندىرۋ كومپانياسىنا كولىكتىڭ جاعدايىنا قاتىستى ءوتىنىش جازۋى كەرەك. سونىمەن قاتار، كەلتىرىلگەن شىعىنعا باعالاۋ جۇرگىزۋى ءتيىس. مۇنان كەيىن كومپانيا كولىك جاعدايىنا قاتىستى شەشىم قابىلداپ، ساقتاندىرۋ بويىنشا تولەم تولەيدى نەمەسە باس تارتادى"، - دەپ قورىتىندىلادى بايعاباتوۆ.
ەستەرىڭىزگە سالا كەتەيىك، بارلىق ساقتاندىرۋ شارتتارىندا تابيعي اپاتتار سالدارىنان كەلتىرىلگەن زالال ءۇشىن ساقتاندىرۋ تولەمىن جۇزەگە اسىرۋ كوزدەلمەگەن.