الماتىلىق كومبۋستيولوگتار جوعارى ۆولتتى ەلەكتر جەلىسى توك سوققان 27 جاستاعى جىگىتتىڭ ءومىرى ءۇشىن ەكى اي بويى كۇرەستى.
ەلەكتر مونتاجداۋشىسى بولىپ جۇمىس ىستەيتىن ايان كوكتەمدە اباي وبلىسى الاكول اۋدانىنداعى ۋچاسكەدە جۇمىس ىستەپ ءجۇرىپ ەلەكتر جاراقاتىن الدى. ەر ادام العاشقى 10 كۇندى الاكول ورتالىق اۋداندىق اۋرۋحاناسىنىڭ جانساقتاۋ بولىمىندە وتكىزدى، كەيىن جاعدايى تۇراقتالعان سوڭ ناۋقاس ءتيىستى دەڭگەيدە كومەك كورسەتە الاتىن كۇيىك ءبولىمى ماماندارى بار الماتىداعى №4 قالالىق كلينيكالىق اۋرۋحاناعا جەتكىزىلدى.
كومبۋستيولوگتار وعان ەلەكتر توگىنىڭ اسەرىنەن – 2-دارەجەلى ەلەكتر جاراقاتى. بىلەك، قول، ءىشتىڭ الدىڭعى قابىرعاسى، تاباننىڭ IV دارەجەلى ەلەكترلىك كۇيىگى دياگنوزىن قويدى.
«ناۋقاس تۋىستارى مەن رەانيماتولوگتىڭ سۇيەمەلدەۋىمەن №4 قالالىق كلينيكالىق اۋرۋحانانىڭ قابىلداۋ بولىمىنە جەتكىزىلدى. ونى كوپبەيىندى دارىگەرلەر بريگاداسى - تراۆماتولوگ، رەانيماتولوگ-انەستەزيولوگ، تەراپيەۆت - جان-جاقتى تەكسەرىپ، كۇيىك بولىمىنە جاتقىزدى. بىلەك پەن قولدىڭ تومەنگى ۇشتەن ءبىر بولىگىندە كۇيىك جارالارى، ەكىنشى ساۋساقتىڭ نەكروز ايماقتارى، سول جاقتا الدىڭعى ءىش قابىرعاسى ايماعىندا كۇيىك جارالارى، وڭ تابان ايماعىندا مەديالدى بەتىندە جانە سول تاباننىڭ ءبۇيىر بەتىندە ەلەكترلىك كۇيىك ىزدەرى انىقتالدى. ناۋقاستىڭ جاعدايى تۇراقتى جانە اۋىر دەپ باعالاندى»، - دەدى ءبولىم مەڭگەرۋشىسى، دارىگەر-كومبۋستيولوگ ەلدوس المەنوۆ.
53 كۇن ەم، تەرىنى اۋىستىرۋ بويىنشا 5 «ءبىر مەزگىلدە اۋتودەرموپلاستيكامەن كەشىكتىرىلگەن نەكرەكتوميا» پلاستيكالىق وتاسى جۇرگىزىلدى.
جاراقات العان كەزدە سول جانە وڭ قولدىڭ سۇق ساۋساقتارىنىڭ دەمى ءبىتتى، ءبىراق حيرۋرگتار قولدى ينفەكسيانىڭ تارالۋىنان قۇتقارىپ، قالعان ساۋساق فالانگتارى مەن تاباندى امپۋتاسيادان ساقتاي الدى. ەلەكترمونتەرى ايان ابايسىزدىققا تاپ بولعان جاعدايعا ءوزىن عانا كىنالايدى. ءومىر ءۇشىن ۇزاق كۇرەسكەن ول اۋرۋحانادان ءوز اياعىن باسىپ شىقتى.
«جۇمىس بارىسىندا ءوز قاتەلىگىمنەن مەنى توك سوعىپ، اۋرۋحاناعا ءتۇستىم. الماتى ءتورتىنشى قالالىق اۋرۋحاناسىنىڭ دارىگەرلەرى مەن قىزمەتكەرلەرىنە مەن ءۇشىن جاساعان بارلىق ءىسى ءۇشىن العىس ايتامىن. 53 كۇن بويى مەنى وسىندا قۇتقارىپ، كۇتتى، مەدبيكەلەر قارادى، دارىگەرلەر ەمدەدى. مەديسينا قىزمەتكەرلەرىنە العىسىم شەكسىز»، - دەپ ءبولىستى ايان مەرەكەنوۆ.
وتالىق توپ: ەلدوس المەنوۆ – حيرۋرگ، ايبەك كارىموۆ پەن سارسەمبى ءاسىپوۆ – اسسيستەنتتەر، جاندوس داۋلەتبەكوۆ پەن قاناتبەك رايىمبەكوۆ – انەستەزيولوگتار، ايگەرىم ءابىجانوۆا – وتالىق مەدبيكە