پرەزيدەنتىمىز قاسىم-جومارت توقايەۆ كونستيتۋسيالىق رەفورمالار ماسەلەلەرى مەملەكەتتىك قۇرىلىمنىڭ نەگىزگى قاعيداتتارى مەن بارلىق ازاماتتاردىڭ مۇددەلەرىن قوزعايتىنىن، سوندىقتان دەموكراتيالاندىرۋدىڭ ودان ءارى باعىتتارى تۋرالى ازاماتتاردىڭ وزدەرى شەشىم قابىلداعانى ماڭىزدى ەكەنىن اتاپ ءوتتى.
كونستيتۋسيالىق وزگەرىستەر – بۇل رەسمي ساياسي وقيعا ەمەس، وندا حالىق باستى شەشىم قابىلداۋشى تۇلعا رەتىندە قاتىسادى. قازاقستاندىقتار ءۇشىن ءوز ەگەمەندى مەملەكەتىنىڭ بولاشاعىنىڭ جارقىن بولۋى، ولاردىڭ ەركىن جانە لايىقتى ءومىر سۇرۋگە، جوسپارلار مەن ارماندارىن ىسكە اسىرۋعا مۇمكىندىك الۋى – باستى دۇنيەتانىمدارىنىڭ اجىراماس بولىگى جانە ەڭ جوعارى قۇندىلىعى.
ەلىمىز ءۇشىن ماڭىزدى شەشىمدەر پارلامەنت قابىرعاسىندا نەمەسە تار ساياسي شەڭبەردە ەمەس، جالپى حالىقتىق رەفەرەندۋمدا قابىلداناتىن كۇن جاقىنداپ قالدى. بەسىنشى ماۋسىمدا ءارقايسىمىز مەملەكەت تاعدىرىن شەشۋگە تىكەلەي اتسالىسىپ، كونستيتۋسياعا ەنگىزىلگەن وزگەرىستەرگە قاتىستى ءوز پىكىرىمىزدى ايتا الامىز. ۇسىنىلىپ وتىرعان رەفورمالار ءوز ەلىن ءادىل جانە دامىعانىن كورگىسى كەلەتىن كەز كەلگەن ازاماتقا بارىنشا مۇمكىندىك بەرەدى.
بۇل بارلىق قازاقستاندىقتار ءۇشىن اۋقىمدى جانە ماڭىزدى وقيعا. ەلىمىزدىڭ ازاماتتارى ءۇشىن «جاڭا قازاقستان» ءۇشىن جاڭا كونستيتۋسيا قالىپتاستىرۋعا قاتىسۋ مۇمكىندىگى پايدا بولدى.
دەگەنمەن، ءبىزدىڭ ومىرىمىزدە جانە مەملەكەت ومىرىندە ناقتى نە وزگەرەدى دەگەن سۇراق كوپشىلىكتى مازالاۋدا. بۇل رەفەرەندۋمنان حالىق كوپتەگەن وزگەرىستەر كۇتەتىنى ءسوزسىز، ويتكەنى ۇسىنىلعان بارلىق تۇزەتۋلەردىڭ تاريحي ماڭىزى بار، ولاردىڭ ىشىندە ەڭ باستىلارى:
- باسقارۋدىڭ سۋپەرپرەزيدەنتتىك تۇرىنەن شىعىپ، مەملەكەت پەن قوعامنىڭ ءوزارا ءىس-قيمىلىنىڭ جاڭا فورماتىنا كوشۋ؛
- جاڭارتىلعان كونستيتۋسيا نەگىزىندە پارلامەنتتىڭ ءرولى مەن ازاماتتاردىڭ قۇقىقتارىن قورعاۋ تەتىكتەرىن كۇشەيتۋ؛
- جەر مەن ونىڭ ءىشى-سىرتى حالىقتىكى دەگەن ەڭ ماڭىزدى نورمانى بەكىتۋ؛
- قازاقستاندىقتاردىڭ كونستيتۋسيالىق سوتقا ءوز بەتىنشە جۇگىنۋى جانە وسىلاردان بولەك كونستيتۋتسيامىزعا قازاقستان ازاماتتارىنىڭ مۇددەسىن ەسكەرەتىن سالماقتى تۇزەتۋلەر ەنگىزىلۋى.
كونستيتۋسيانىڭ جاڭا رەداكسياسىندا بارلىعى 56 ءتۇرلى تۇزەتۋ بەكىتىلەدى دەپ كۇتىلۋدە. ءتىپتى كاسىبي زاڭگەرلەر دە كوزگە كورىنبەيتىن جانە زاڭنامانى ءتيىستى كريستالدى-تازا ەتىپ دايارلاۋدا بارىنشا اتسالىسۋدا.
كونستيتۋسيالىق كەڭەسكە تۇزەتۋلەر جوباسى تىكەلەي ەنگىزىلگەنگە دەيىن دە قوعامدا بۇكىل ءتيىستى پروسەسس وعان ەل ازاماتتارىن تارتا وتىرىپ، بارىنشا اشىق بولۋعا ءتيىس ەكەندىگى تۋرالى از ايتىلعان جوق. بۇل - قازاقستاندىقتار ءوز كونستيتۋسياسىنىڭ تاعدىرىن وزدەرى شەشەتىن رەسپۋبليكالىق رەفەرەندۋم-قوعامنىڭ ساۋالىنا بارابار جاۋاپ.
وسىنداي ەل ءۇشىن ماڭىزدى كەزەڭدە ءبىلىم مەن عىلىم سالاسىنداعى ازاماتتار، ارينە، سونىڭ ىشىندە عالىمدار مەن ۇلاعاتتى ۇستازداردىڭ حالىق الدىنداعى ەرەكشە جاۋاپكەرشىلىكتى سەزىنەتىنى انىق جانە ءبىراۋىزدان ەلىمىزدىڭ بولاشىعى ءۇشىن ءاربىر ازاماتتىڭ مۇددەسى ءۇشىن وسى وقيعاعا نازار اۋدارىپ قانا قويماي، وعان تىكەلەي قاتىسۋىمىز قاجەت. «جاڭا قازاقستاندى – بىرگە قۇرۋعا» مەملەكەتىمىزدىڭ ازاماتى رەتىندە داۋىس بەرۋ ءاربىرىمىزدىڭ مىندەتىمىز!