جىل سايىن تامىز-قىركۇيەك ايلارىندا بازار سورەلەرى تولىپ، ءار ۇيدە قىسقى ازىققا دايىندىق باستالادى. اسىرەسە قازاق ايەلدەرى ادەتتەن تايماي، قيار تۇزداپ، سالات جابۋ ءداستۇرىن جالعايدى. دەسە دە، ءار ماۋسىمنىڭ كوكونىستەرى اۋا رايىنا قاراي ءار ءتۇرلى قۇراممەن ءوسىپ شىعادى. بيىل قيار جابۋعا دايىندالىپ جاتقان جۇرت نەنى ءبىلۋ كەرەك؟ ءجيى جىبەرەتىن قاتەلىكتەر قانداي؟ اqshamnews.kz ءتىلشىسى كەرەك كەڭەستەردى ءتىزدى.
قيار باعاسى قانشادان بولىپ جاتىر؟
2025 جىلعى قىركۇيەكتە قيار باعاسى ايماقتارعا قاراي ءارتۇرلى ساۋدالانىپ جاتىر.
الماتى قالاسىندا – 400–500 تەڭگە/كگ،
استانا – 450–600 تەڭگە/كگ،
شىمكەنت، تۇركىستان، تاراز سياقتى وڭتۇستىك وڭىرلەردە – 350–450 تەڭگە/كگ،
اۋىلدىق جەرلەردە - باعاسى كەلىسىم بويىنشا، كەي جەردە 300 تەڭگەگە دەيىن تۇسەدى.
تاڭداۋ كەزىندە قياردىڭ كولەمىنە، قاتتىلىعىنا جانە سىرتقى تۇرىنە نازار اۋدارۋ كەرەك. كونسەرۆىلەۋگە ارنالعان ەڭ جاقسى قيار - ۇساق، تىعىز ءارى بىركەلكى پىسكەندەرى. ۇلكەن نەمەسە ءىشى بوساپ قالعان قيارلار ساقتاۋ بارىسىندا جۇمسارىپ كەتۋى مۇمكىن.
نەنى ەسكەرۋ كەرەك؟
قيار جابۋ - تەك كوكونىستى سالىپ، تۇزدىق قۇيۋ ەمەس. بۇل - ناقتى پروپورسيا مەن گيگيەنانى تالاپ ەتەتىن تەحنولوگيالىق پروسەسس.
بانكالار مەن قاقپاقتاردى زارارسىزداندىرۋ - باستى قادام. قايناعان سۋعا كەم دەگەندە 10 مينۋت سالىپ نەمەسە بۋعا ۇستاپ زارارسىزداندىرۋ قاجەت.
قياردى الدىن الا 2–3 ساعاتقا سۋىق سۋعا سالىپ قويساڭىز قيار قىتىرلاق ءارى بالعىن قالپىن ساقتايدى.
تۇزدىق قۇرامى (ورتا ەسەپپەن):
- 1 ليتر سۋ
- 2 اس قاسىق قانت،
- 1 اس قاسىق تۇز،
- 1 شاي قاسىق 70% سىركە سۋى قوسىلادى.
ءاسپيريننىڭ ورنىنا نە قولدانۋعا بولادى؟
كەي رەسەپتتەردە اسپيرين كونسەرۆانت رەتىندە پايدالانىلادى. الايدا ونى قولدانۋعا قارسى پىكىرلەر دە بار، سەبەبى بۇل ءدارى تاعامدىق ماقساتتا ەمەس.
التەرناتيۆا رەتىندە 70% سىركە سۋى – ەڭ كەڭ تارالعان كونسەرۆانت. دۇرىس مولشەردە قوسىلسا، ءدامىن بۇزبايدى. ليمون قىشقىلى – ءدامى جۇمساق، تابيعي بالاما. قىشا ءدانى، قاراقات، شيە نەمەسە ەمەن جاپىراعى – تابيعي انتيسەپتيك. قياردى قاتتى ءارى قىتىرلاق ۇستاپ تۇرادى.
بانكام "بومبا" بولماسىن دەسەڭىز...
قىسقا دايىنداعان بانكىنىڭ "اتىلىپ كەتۋى" – قيار جابۋمەن اينالىساتىن كەز كەلگەن جاننىڭ باسىنان وتەتىن جاعداي. بۇل بانكىنىڭ ىشىندەگى قىسىم مەن ستەريلدىك ەرەجەلەرىنىڭ بۇزىلۋىنان بولادى.
- بانكىنى جانە قاقپاقتى تولىقتاي زارارسىزداندىرۋ: قايناتۋ نەمەسە بۋعا ۇستاۋ ارقىلى بانكى مەن قاقپاقتان باكتەريالاردى جويۋ – ەڭ ماڭىزدى قادام. كوپتەگەن قاتەلىكتەر وسى كەزەڭدى ەسكەرمەۋدەن باستالادى.
- قياردى الدىن الا سۋعا سالىپ قويۋ: 2–3 ساعات سالقىن سۋدا تۇرعان قيار تابيعي كۇيىنە كەلىپ، سەرپىمدى بولادى. بۇل ونىڭ بانكى ىشىندە جۇمسارىپ كەتۋىنىڭ الدىن الادى؛
- قايناعان تۇزدىقتى عانا پايدالانۋ: تۇزدىق مىندەتتى تۇردە قايناپ تۇرۋى ءتيىس. جىلى نەمەسە سالقىن تۇزدىق كوكونىستىڭ بەتىن زارارسىزداندىرا المايدى.
- بانكىنى جاپقاننان كەيىن 12–24 ساعات ىشىندە توڭكەرىپ، كورپەمەن وراۋ: بۇل ىشكى قىسىم مەن تەمپەراتۋرانى تەڭەستىرىپ، "اتىلۋ" ءقاۋپىن ازايتادى.
- ساقتاۋ الدىندا بانكىدەگى سۇيىقتىق دەڭگەيىن تەكسەرۋ: قيار تۇزدىقتىڭ استىندا تولىق تۇرۋى كەرەك. جوعارى شىققان قيار بولىكتەرى ءشىرىپ، بۇكىل بانكىنى بۇزادى.