قۇجاتقا سايكەس، ميكروكرەديت بويىنشا سىياقى مولشەرلەمەسى كورسەتىلگەن جارنامالاردا جىلدىق ءتيىمدى سىياقى مولشەرلەمەسى مىندەتتى تۇردە ساندىق تۇردە جازىلۋى ءتيىس، دەپ حابارلايدى aqshamnews.kz
بۇل كورسەتكىش جارناماداعى وزگە اقپاراتقا قاراعاندا ۇساق قارىپپەن جازىلماۋى كەرەك.
ميكروقارجى ۇيىمدارىنىڭ كليەنتتەرمەن جۇمىس ىستەۋ ەرەجەسى مىناداي تارماقتاردى قامتيدى:
كليەنتتەردىڭ قۇقىقتارى مەن مۇددەلەرىن قورعاۋ ساياساتى؛
ميكروكرەديتكە ءوتىنىشتى قاراۋ ءراسىمى مەن مەرزىمى؛
ميكروكرەديت بەرۋ بارىسىندا كليەنتپەن ءوزارا ءىس-قيمىل ءتارتىبى؛
مۇگەدەكتىگى بار جانە قوزعالىسى شەكتەۋلى ادامدارعا قىزمەت كورسەتۋ تالاپتارى (2026 جىلعى 2 شىلدەدەن باستاپ)؛
مۇنداي ازاماتتارعا سەنىمدى تۇلعا قاتىسۋىمەن قىزمەت كورسەتۋدىڭ ەرەكشەلىكتەرى (2026 جىلعى 2 شىلدەدەن باستاپ).
سونىمەن قاتار، قۇجاتتا ميكروقارجىلىق قىزمەت بويىنشا داۋ تۋىنداعان جاعدايدا كليەنتكە ونىڭ ميكروقارجى ۇيىمىنا، ميكروقارجى ومبۋدسمەنىنە نەمەسە سوتقا جۇگىنۋ قۇقىعى بار ەكەنى ەسكەرتىلۋى ءتيىس ەكەندىگى كورسەتىلگەن. بۇل رەتتە كليەنتكە ۇيىمنىڭ مەكەنجايى، ەلەكتروندىق پوشتاسى جانە ينتەرنەت-رەسۋرسى تۋرالى مالىمەت بەرىلەدى.
اتالعان بۇيرىق 2026 جىلعى 2 شىلدەدەن باستاپ كۇشىنە ەنەدى.