«ەلەكتروندى قىرعىنعا» تەك بەلسەندى ەمەس اككاۋنتتار ىلىگەدى.
بيىلعى جەلتوقسان ايىنان باستاپ، Google ءوز پايدالانۋشىلارىنىڭ Gmail اككاۋنتتارىن، تيىسىنشە پوشتالارىن جاپپاي جويۋعا كىرىسەدى، دەپ حابارلايدى Almaty-akshamy.kz
الەمدىك نارىقتىڭ شامامەن 93 پايىزىنا يە Google-دىڭ قادام-قارەكەتتەرى ساراپشىلاردى قايران قالدىرىپ وتىر. بۇل تۋرالى massaget.kz حابارلادى.
دەگەنمەن، Sauap.org بۇدان قۇتىلۋدىڭ جولىن كورسەتتى. سەبەبى، "ەلەكتروندى قىرعىنعا" تەك بەلسەندى ەمەس اككاۋنتتار ىلىگەدى. سوندىقتان Gmail-دى ۇزاق ۋاقىت پايدالانباعان ادامدار ءوز اككاۋنتىنا كىرىپ، جازبالارىن جاڭارتسا، پوشتاسىنان جاقىن ادامىنا بىر-ەكى سويلەمنەن تۇراتىن حات-حابار جىبەرسە نەمەسە ءوز اككاۋنتىنان كىرىپ، YouTube جەلىسىندە بەينەجازبا تاماشالاسا، جەتكىلىكتى.
قايتا قارالعان ساياساتىنا سايكەس، بۇدان بىلاي Google پايدالانۋشىلاردىڭ e-پوشتادا اۆتوريزاسيالانىپ، حات-حابار جازىسۋدى، Google Drive-تى قولدانۋدى، YouTube جەلىسىندە بەينەجازبالار قاراۋدى، فوتوسۋرەتتەر الماسۋدى نەمەسە باعدارلامالىق قامتىلىمدى، قوسىمشالاردى جۇكتەگەندى "بەلسەندىلىك" دەپ تانيتىن بولادى.
بۇل كەڭەستى Google-دىڭ قۇلاقتاندىرۋى دا راستايدى. Google تۇسىندىرۋىنشە، اككاۋنتتىڭ بەلسەندىلىگى قۇرىلعىنىڭ – سمارتفوننىڭ، كومپيۋتەردىڭ، نوۋتبۋكتىڭ نەمەسە باسقاسىنىڭ ەمەس، ناقتى اككاۋنتتىڭ ءجيى پايدالانىلۋىن تالاپ ەتەدى. باسقاشا ايتقاندا، بەلسەندىلىگىن پاش ەتۋ ءۇشىن پايدالانۋشى اۆتوريزاسيالانۋعا ءتيىس.
بۇعان قوسا، Google-دىڭ بىرنەشە اككاۋنتى ءبىر قۇرىلعىدا قولدانىلسا، وندا ونىڭ ءارقايسىسىنىڭ بەلسەندىلىگى دە جەكە-جەكە باعالاناتىن بولادى.
ايتپەسە، الەمدە ميلليونداعان ادام ءبىر مەزەتتە ءوز اككاۋنتتارىن جوعالتىپ الماق.
الەمدىك الپاۋىت سوڭعى 2 جىل بويى بەلسەندى بولماي، قۇر جاتقان ميلليونداعان Gmail ەسەپتىك جازبالارىن جوياتىنىن مالىمدەدى. بۇل شارا پوشتالىق سەرۆيستى ەلەۋلى جاڭارتۋ ناۋقانى اياسىندا جاسالادى. Google ادامداردىڭ جۇمىسىنا، وقۋىنا قاتىستى دەربەس اككاۋنتتارعا، سونداي-اق كەز كەلگەن ۇيىممەن بايلانىستى اككاۋنتتارعا تيىسپەۋگە ۋادە ەتتى.
Google كومپانياسى سوڭعى جىلدارى جاڭا ساياساتىن جۇزەگە اسىراتىنى تۋرالى ءوز پايدالانۋشىلارىن ەسكەرتىپ كەلدى. ول 2023 جىلعى 1 جەلتوقساننان باستاپ، Gmail جانە Google Drive سەرۆيستەرىندەگى بەلسەندى ەمەس اككاۋنتتاردى ءوشىرىپ تاستاۋدى قاراستىرادى. ولارداعى بارلىق اقپارات قالپىنا كەلتىرۋ مۇمكىندىگىنسىز، ماڭگىلىككە جoيىلادى.