قىركۇيەك ايىندا ول 12،9%-عا جەتكەن جىلدىق ينفلياسيا قازاندا 12،6%-دى كورسەتتى، دەپ حابارلايدى aqshamnews.kz
قازاندا ايلىق ينفلياسيا دەڭگەيى 0،5%-دى قۇرادى.
ازىق-تۇلىك تاۋارلارىنىڭ ىشىندە:
باستى پياز – 7،7%-عا،
الما – 6،1%،
قىزىلشا – 5،1%،
قىرىققابات – 4،7%،
ءسابىز – 4،4%،
قانت – 2%،
ءجۇزىم – 1،1%،
ليمون – 0،8% ارزاندادى.
سونىمەن قاتار:
شوكولاد 2،3%-عا،
كوفە، دايىن دامدەۋىشتەر مەن تۇزدىقتار – ءارقايسىسى 1،8%-عا،
قۇرما 1،6%-عا،
جارما ونىمدەرى 0،7%-عا قىمباتتادى.
ازىق-تۇلىك ەمەس تاۋارلار اراسىندا بيىلعى قازان ايىندا وتاندىق قۇراستىرىلعان جاڭا اۆتوكولىكتەردىڭ باعاسى 1،5%-عا تومەندەدى. قولشاتىر 4،2%-عا، ەلەكتر جىلىتقىش 2،5%-عا، سەمەنت 0،4%-عا قىمباتتادى. جۋۋ جانە تازالاۋ قۇرالدارىنىڭ، جەكە قولدانىلاتىن تاۋارلاردىڭ باعاسى 1%، كيىم مەن اياق كيىم، تۇرمىستىق اسپاپتار 0،8%-عا ءوستى.
تۇرعىن ۇي-كوممۋنالدىق قىزمەتتەر سالاسىندا سۋىق سۋ ءتاريفى 40%-عا، تاراتۋ جەلىلەرى ارقىلى تاسىمالداناتىن گاز ءتاريفى 10،7%-عا، ەلەكتر ەنەرگياسى ءتاريفى 2%-عا تومەندەدى. قوعامدىق تاماقتانۋ قىزمەتتەرى 2%-عا، شاشتارازدار مەن سۇلۋلىق سالوندارى قىزمەتتەرى 1،5%-عا، ترەناجەر زالدارى 0،8%-عا قىمباتتادى.
"ازىق-تۇلىك ىشىندە جىلدىق ماندە كۇرىش 8،3%-عا، ورىك 5%-عا، قىزاناق 1،4%-عا ارزاندادى. كەپتىرىلگەن جەمىستەر مەن جاڭعاقتار 2،9%-عا قىمباتتادى"، - دەپ جازىلعان حابارلامادا.
ازىق-تۇلىككە جاتپايتىن تاۋارلاردىڭ ىشىندە كىر كەپتىرگىش 31،7%-عا، مۇزداتقىش 16،6%-عا، ۇتىكتەۋ تاقتاسى 13،6%-عا ارزاندادى. اس ءۇي قۇرالدارى باعاسىنىڭ دەڭگەيى 7%-عا، ەلەكتربۇرعى 5،9%-عا، ەلەكتر شامى 5،2%-عا ءوستى.
2024 جىلدىڭ قازان ايىمەن سالىستىرعاندا اياق كيىم جوندەۋ قىزمەتتەرىنىڭ باعاسى 8،9%-عا، تۇرعىن ءۇي-جايلارعا قىزمەت كورسەتۋ جانە جوندەۋ بويىنشا قىزمەتتەردىڭ باعاسى 7،8%-عا ءوستى. باسسەين قىزمەتتەرى 10%-عا، ترەناجەر زالدارى 8،8%-عا قىمباتتادى.