قارجى مينيسترلىگى جەكە تۇلعالاردىڭ كوللەكتورلىق جانە ميكروقارجى ۇيىمدارى الدىنداعى بەرەشەگى جايىنداعى مالىمەتتەردى مەملەكەتتىك كىرىس ورگاندارىنا ۇسىنۋ قاعيدالارىن جاريالادى، دەپ حابارلايدى aqshamnews.kz
ءمينيستردىڭ ارنايى بۇيرىعى ازىرلەندى. وعان سايكەس، كىرىستەر مەن مۇلىك تۋرالى دەكلاراسيانى تاپسىرۋعا مىندەتتى جەكە تۇلعالاردىڭ قارىزدارى تۋرالى اقپارات سالىقشىلارعا جىبەرىلىپ تۇرادى. قارىزدارعا قاتىستى مالىمەتتى جىبەرۋ ءتارتىبى:
مەملەكەتتىك كىرىستەر كوميتەتى ەسەپتى جىلدان كەيىنگى جىلدىڭ 25 قاراشاسىنان كەشىكتىرىلمەيتىن مەرزىمدە ەسەپتى جىلدىڭ 31 جەلتوقسانىنداعى جاعداي بويىنشا اكتيۆتەرى مەن مىندەتتەمەلەرى، كىرىستەرى مەن مۇلكى تۋرالى دەكلاراسيانى ۇسىنۋ بويىنشا مىندەتى تۋىنداعان جەكە تۇلعالاردىڭ ءتىزىمىن قالىپتاستىرادى؛
كوميتەت جەكە تۇلعالاردىڭ ءتىزىمىن قالىپتاستىرعان ساتتەن باستاپ كۇنتىزبەلىك 10 (ون) كۇن ىشىندە كوميتەتتىڭ "Smart Data Finance" اقپاراتتىق جۇيەسى ارقىلى كرەديتتىك بيۋروعا جىبەرەدى؛
كرەديتتىك بيۋرو جەكە تۇلعالاردىڭ كوللەكتورلىق ۇيىمدار الدىنداعى بەرەشەگى بويىنشا مالىمەتتەردى جىبەرەدى؛
"كوميتەت پەن كرەديتتىك بيۋرو وسى قاعيدالار شەڭبەرىندە الىنعان اقپاراتتىڭ قۇپيالىلىعىن قامتاماسىز ەتەدى"، - دەلىنگەن بۇيرىقتا.