قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ اتىنان مەملەكەتتىك ماراپاتتى سىرتقى ىستەر ءمينيسترى ەرمەك كوشەربايەۆ تابىستادى. سىرتقى ساياسي ۆەدومستۆونىڭ باسشىسى قۇتتىقتاۋ سوزىندە قازاقستان مەن ازەربايجاننىڭ اراسىنداعى ستراتەگيالىق ارىپتەستىك پەن تىعىز ىنتىماقتاستىققا نازار اۋداردى.
ءوز كەزەگىندە ەلشى ءالىم بايەل ازەربايجانداعى ەلشىلىكتىڭ قازاقستاننىڭ سىرتقى ساياساتىن ءتيىمدى ىسكە اسىرۋعا جانە قازاق-ازەربايجان وداقتاستىق قاتىناستارىن نىعايتۋعا باعىتتالعان مىندەتتەردى ورىنداۋ بويىنشا جۇمىستى جالعاستىراتىنىن مالىمدەدى.
سونىمەن قاتار، قايىرىمدىلىق قىزمەتى ءۇشىن «قۇرمەت» وردەنىمەن ازەربايجاندىق كاسىپكەر اميل يۋسيفوۆ ماراپاتتالدى.
ول AZAL اۋە كومپانياسى ۇشاعىنىڭ اقتاۋ ماڭىندا بولعان اپاتىندا قازا تاپقان قازاقستان ازاماتتارىنىڭ تۋىستارىنا پاتەرلەر، سونداي-اق اقتاۋ قالاسىنىڭ قۇتقارۋشىلارىنا، اۋرۋحاناسىنا جانە جەدەل جاردەم ستانسياسىنا اۆتوكولىكتەر سىيلاعان بولاتىن.