تەكسەرۋ بارىسىندا توتەنشە جاعدايلار دەپارتامەنتى قىزمەتىندە اتالعان جۇيەنى ساتىپ الۋ كەزىندە بيۋدجەت قاراجاتىن جىمقىرۋ بەلگىلەرى انىقتالىپ، سوتقا دەيىنگى تەرگەۋ باستالعان، دەپ حابارلايدى aqshamnews.kz
الماتىدا جەر سىلكىنىسى كەزىندە دابىل جۇيەسى جۇمىس ىستەمەي قالعان سوڭ، ساپاسىز جابدىق ورناتقان كاسىپكەر مەن وعان قاتىسى بار بىرنەشە لاۋازىمدى تۇلعالارعا قاتىستى ۇكىم شىقتى.
پروكۋراتۋرانىڭ مالىمەتىنشە، 2024 جىلعى 23 قاڭتاردا مەگاپوليس اۋماعىندا بولعان جەر سىلكىنىسى كەزىندە اۆتوماتتاندىرىلعان ەرتە ەسكەرتۋ جۇيەسى ىسكە قوسىلماي، حالىق ۋاقتىلى حابارلاندىرىلماعان.
تەرگەۋدەن كەيىن “TNS-INTEC” ءجشس-نىڭ باس ديرەكتورى جەكە پايدا تابۋ ماقساتىندا ساپاسىز جابدىق جەتكىزىپ، ورىندالعان جۇمىستار اكتىلەرىن جالعان رەسىمدەگەنى، سول ارقىلى اسا ءىرى كولەمدە مەملەكەت قاراجاتىن ۇرلاعانى انىقتالدى.
"بۇل ءىس بويىنشا الماتى گارنيزونىنىڭ اسكەري سوتى ۇكىم شىعاردى. قالالىق توتەنشە جاعدايلار دەپارتامەنتىنىڭ ءۇش ورىنباسارى جابدىقتى قابىلداۋ كەزىندە نەمقۇرايدىلىق تانىتقانى ءۇشىن، سونداي-اق اۆتورلىق جانە تەحنيكالىق قاداعالاۋ وكىلدەر ءتيىستى باقىلاۋدى قامتاماسىز ەتپەگەنى ءۇشىن قىلمىستىق جاۋاپقا تارتىلدى"، – دەلىنگەن حابارلامادا.
سوت بارلىق سوتتالۋشىلاردى كىنالى دەپ تانىپ، بوستاندىعىنان ايىرۋ جانە مەملەكەتتىك، سونداي-اق كۆازيمەملەكەتتىك ورگانداردا بەلگىلى ءبىر قىزمەتتەردى اتقارۋعا تىيىم سالۋ جازاسىن تاعايىندادى.