پرەمەر-مينيستردىڭ ورىنباسارى ە.توعجانوۆ مەملەكەت باسشىسىنىڭ قازاقستان حالقىنا ارناعان جولداۋىندا بەلگىلەنگەن ەلدىڭ بيوقاۋىپسىزدىگىن قامتاماسىز ەتۋ جونىندەگى تاپسىرمالارى اياسىندا «انتيگەن» عىلىمي-وندىرىستىك كاسىپورنىنىڭ جۇمىسىمەن تانىستى، دەپ حابارلايدى almaty-akshamy.kz
قازىرگى ۋاقىتتا بۇل كاسىپورىن ق ر بعم بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ سەرىكتەسى سانالادى.
بقپعزي «انتيگەن» الاڭىن پايدالانا وتىرىپ، مەديسينالىق ۆاكسينا، ونىڭ ىشىندە QazVac شىعارۋدىڭ تولىق سيكلى بويىنشا ەكىنشى وندىرىستىك الاڭدى ازىرلەپ، ىسكە قوستى.
وسى ماقساتتا الماتى وبلىسى اكىمدىگىنىڭ قولداۋىمەن جەڭىلدەتىلگەن نەسيە بويىنشا ۆاكسينا وندىرۋگە ارنالعان جاڭا تەحنولوگيالىق جابدىقتار ساتىپ الىندى. اعىمداعى جىلدىڭ قىركۇيەك ايىندا قۋاتى ايىنا 1 ملن دوزاعا دەيىن جەتەتىن «انتيگەن» الاڭىندا QazVac ۆاكسيناسىنىڭ 300 مىڭ ۆاليداسيالىق سەرياسى شىعارىلدى.
حالىقارالىق ساپا ستاندارتتارى كاسىپورىنعا ءوندىرىستىڭ بارلىق ۋچاسكەلەرىندە جوعارى تەحنيكالىق دەڭگەيگە، ساپا مەن سەنىمدىلىككە قول جەتكىزۋگە مۇمكىندىك بەرەدى.
«انتيگەن» عوك «OtarBioPharm» ج ش س جانىنداعى بيوفارماسيەۆتيكا زاۋىتىمەن قاتار بقپعزي ازىرلەگەن QazVac قازاقستاندىق ۆاكسيناسىن شىعارۋ بويىنشا ەكىنشى وندىرىستىك الاڭعا اينالدى.