بۇل - تەرروريزمگە قارسى بىرلەسكەن «بەيبىت ميسسيا – 2021» كوماندالىق-شتابتىق وقۋ-جاتتىعۋى.
قازاقستاندىق اسكەريلەر ەكى جىلدا ءبىر رەت وتەتىن «بەيبىت ميسسيا – 2021» كوماندالىق-شتابتىق وقۋ-جاتتىعۋىنا قاتىسادى، دەپ حابارلايدى Almaty-akshamy.kz.
شانحاي ىنتىماقتاستىق ۇيىمىنا مۇشە مەملەكەتتەردىڭ – ءۇندىستان، قازاقستان، جۇڭگو، قىرعىزستان، پاكىستان، رەسەي، تاجىكستان، وزبەكستان اسكەري كونتينگەنتتەرى تەرروريزمگە قارسى بىرلەسكەن «بەيبىت ميسسيا – 2021» كوماندالىق-شتابتىق وقۋ-جاتتىعۋىنا قاتىسادى.
«بۇل وقۋ-جاتتىعۋ رەسەي فەدەراسياسى ورىنبور وبلىسىندا وتەدى. وعان قازاقستاننىڭ قارۋلى كۇشتەرىنەن «باتىس» وڭىرلىك قولباسشىلىعىنىڭ جەكە قۇرامى، اسكەري-اۋە كۇشتەرىنىڭ سۋ-25 ۇشاقتارى تارتىلادى»، –دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
وقۋ-جاتتىعۋ شەڭبەرىندە شىۇ-عا مۇشە ەلدەردىڭ اسكەري كونتينگەنتتەرى تەرروريزمگە قارسى بىرلەسكەن وپەراسياعا دايىندالۋى جانە ونى وتكىزۋ ماسەلەلەرىن پىسىقتايتىن بولادى. بۇل «بەيبىت ميسسيا» 2007 جىلعى 27 ماۋسىمداعى شانحاي ىنتىماقتاستىق ۇيىمىنا مۇشە مەملەكەتتەر اراسىنداعى بىرلەسكەن اسكەري وقۋ-جاتتىعۋلاردى وتكىزۋ تۋرالى كەلىسىم شەڭبەرىندە ەكى جىلدا ءبىر رەت وتكىزىلەتىنىن اتاپ وتكەن ءجون.