قازاقستاندا ەپيدەميالىق ماۋسىم باستالعالى تۇماۋدان بەس ادام كوز جۇمدى

ولاردىڭ اراسىندا بالالار جوق.

ەپيدەميالىق ماۋسىم باستالعاننان بەرى ەلىمىزدە تۇماۋدان بەس ادام كوز جۇمدى. بۇل تۋرالى دەنساۋلىق ساقتاۋ ۆيسە-مينيسترى ايجان ەسماعامبەتوۆا ورتالىق كوممۋنيكاسيالار قىزمەتىندە وتكەن بريفينگتە مالىمدەدى، دەپ حابارلايدى Almaty-akshamy.kz Inbusiness.kz cىلتەمە جاساپ.

"ەپيدەميالىق ماۋسىم باستالعاننان بەرى تۇماۋدان بەس ادام قايتىس بولدى. ولاردىڭ اراسىندا بالالار جوق"، - دەپ جاۋاپ بەردى ۆيسە-مينيستر تىلشىلەردىڭ ساۋالىنا.

سپيكەردىڭ ايتۋىنشا، 1 قازاننان باستاپ ەلدە ءجرۆي-دىڭ 2،2 ملن جاعدايى، تۇماۋدىڭ 2 284 جاعدايى تىركەلگەن. اۋىرعانداردىڭ 65%-ى – 14 جاسقا دەيىنگى بالالار.

"جرۆي جانە تۇماۋ ماۋسىمى جىل سايىن ءقازان-ساۋىر ايلارىندا وتەدى. بيىلعى ەپيدەميولوگيالىق ماۋسىم تۇماۋ ۆيرۋسى اينالىمىنىڭ ەرتە باستالۋىمەن سيپاتتالدى. وتكەن جىلدىڭ سايكەس كەزەڭىمەن سالىستىرعاندا جرۆي-مەن سىرقاتتانۋشىلىق 10%-عا ارتتى"، - دەدى ول.

ايجان ەسماعامبەتوۆا كەلتىرگەن دەرەكتەرگە سايكەس، قازاندا رەسپۋبليكا بويىنشا 2،4 ملن ادام تۇماۋعا قارسى ەكپە الدى. ولاردىڭ اراسىندا 14 جاسقا دەيىنگى بالالار 518 مىڭ بولسا، ەرەسەكتەر سانى – 1،8 ملن.