سەنىم كابينەتتەرىندە 215 ادام كونسۋلتاسيا الدى.
«پەداگوگيكالىق عىلىمدار اكادەمياسى» قوعامدىق بىرلەستىگى الماتى قالاسى قوعامدىق دامۋ باسقارماسىنىڭ قولداۋىمەن «وتباسى ينستيتۋتى» الەۋمەتتىك جوباسىن جۇزەگە اسىرۋدا، دەپ حابارلايدى Almaty-akshamy.kz.
تۇرمىستىق زورلىق-زومبىلىقتىڭ الدىن-الۋ، وتباسى قۇندىلىقتارىن ارتتىرۋ، جاستار اراسىندا وتباسى ينستيتۋتىن نىعايتۋ، جاستارعا كومەك كورسەتۋ ماقساتىندا الماتىنىڭ 8 اۋدانىندا سەنىم كابينەتتەرى اشىلىپ، ولاردىڭ جۇمىسى ۇيىمداستىرىلدى، سەنىم كابينەتتەرىن رەسىمدەۋدە ءبىرىڭعاي لوگوتيپ قولدانىلىپ، 8 پاۋچوكتار مەن 8 اقپاراتتىق ستەند دايىندالدى. احات جانە داعدارىس ورتالىقتارىمەن بىرلەسە وتىرىپ كوپتەگەن جۇمىستار جاسالدى. سەنىم كابينەتتەرىندە 215 ادام كونسۋلتاسيا الدى.
وتباسى ينستيتۋتىن نىعايتۋ جانە تۇرمىستىق زورلىق-زومبىلىقتىڭ الدىن الۋ تۋرالى مەملەكەتتىك جانە ورىس تىلدەرىندە انونستىق جانە «وتباسى دەگەن نە؟» دەگەن تاقىرىپتا سيۋجەتتىك بەينەروليك دايىندالدى.
وتباسىلاردا ءتيىمدى قارىم-قاتىناس قۇرۋ جانە وتباسىلىق قاتىناستاردىڭ باسقا دا اسپەكتىلەرى بويىنشا، تۇرمىستىق زورلىق-زومبىلىقتىڭ الدىن الۋ ماسەلەلەرى بويىنشا جاستار جانە جاس وتباسىلارمەن 10 كەزدەسۋ ۇيىمداستىرىلدى. كەزدەسۋگە 211 ادام قاتىسىپ، ءوز پىكىرلەرىن قالدىردى.
وتباسىن قۇرۋ، وتباسى ينستيتۋتىن نىعايتۋ جانە تۇرمىستىق زورلىق-زومبىلىقتىڭ الدىن الۋ بويىنشا قالانىڭ جوو مەن تجكب-دا ونلاين/وفلاين فورماتىندا ءدارىس جانە سەمينار-ترەنينگتەر وتكىزىلدى. سەمينارعا 1537 ادام قاتىستى.
23-27 تامىز ارالىعىندا قازاقستان رەسپۋبليكاسىنىڭ كونستيتۋسيا كۇنىنە ارنالعان «اشىق ەسىك كۇندەرى» اكسياسى وتكىزىلدى. اكسياعا قاتىسۋعا جاستار، وتباسىلار، جاس وتباسىلار شاقىرىلدى. «اشىق ەسىك كۇندەرى» الماتى قالاسىنىڭ 8 اۋدانىندا، ونلاين رەجيمىندە ءوتتى. وعان كوپتەگەن ادامدار تۇرمىستىق سۇراقتارمەن كەلىپ، مامانداردان كەڭەس الدى، تۇراقتى كونسۋلتاسياعا جازىلعاندار دا بولدى. كونفيدەنسيالدىلىق قامتاماسىز ەتىلدى.
الەۋمەتتىك جەلىلەردە جوبانى ىلگەرىلەتۋ جانە تانىمال ەتۋ ماقساتىندا 3 پاراقشا بار: Instagram، Facebook، ۆكونتاكتە. جالپى وقىرماندار سانى – 6138، جاريالانىمدار سانى –174 بولدى.
جوبا اياسىندا بەرىلگەن كونسۋلتاسيالاردىڭ ارقاسىندا 50-گە جۋىق ادام (قىزمەت الۋشى) مەدياتيۆتى كەلىسىمگە كەلىپ، وتباسىن ساقتاپ قالدى.