مەملەكەت 50% مولشەرىندە ساقتاندىرۋ سىيلىقاقىلارىن سۋبسيديالايدى.
ءداندى داقىلداردى توپىراقتاعى ىلعالدىڭ جەتىسپەۋشىلىگىنەن ساقتاندىرۋ بويىنشا وتىنىمدەردى قابىلداۋ مەرزىمى 16 ساۋىردەن 24 ساۋىرگە دەيىن ۇزارتىلدى، دەپ حابارلايدى Almaty-akshamy.kz Eldala.kz سىلتەمە جاساپ.
انك اگروونەركاسىپتىك كەشەندەگى ساقتاندىرۋ وپەراتورى بولىپ تابىلادى. ساقتاندىرۋ شارتتارىن www.qoldau.kz سايتىنداعى Agroinsurance اقپاراتتىق جۇيەسىندە جاساۋعا بولادى www.qoldau.kz.
اۋىل شارۋاشىلىعى تاۋار وندىرۋشىلەرى ءۇشىن ساقتاندىرۋ ءپوليسىنىڭ قۇنىن ارزانداتۋ، وسىمدىك شارۋاشىلىعىنداعى تاۋەكەلدەردى ازايتۋ ءۇشىن مەملەكەت 50% مولشەرىندە ساقتاندىرۋ سىيلىقاقىلارىن سۋبسيديالايدى.
ەستەرىڭىزگە سالا كەتەيىك، اگرارشىلار بيداي، ارپا، س ۇلى، جۇگەرى، كۇنباعىس، راپس جانە زىعىر ەگىستەرىن ساقتاندىرا الادى. ساقتاندىرۋ اقمولا، اقتوبە، شىعىس قازاقستان، باتىس قازاقستان، قاراعاندى، قوستاناي، پاۆلودار، سولتۇستىك قازاقستان وبلىستارى ءۇشىن قولجەتىمدى.
قۇرعاقشىلىق بويىنشا ساقتاندىرۋ كەزەڭى كەزەڭدەرگە بولىنگەن. 15 مامىردان 14 تامىزعا دەيىن (ءۇش فازالى ءونىم) ساقتاندىرۋ ءپوليسىنىڭ قۇنى ساقتاندىرۋ سوماسىنىڭ 4،8% قۇرايدى. 15 ماۋسىمنان 14 تامىزعا دەيىن (ەكى فازالى ءونىم) تاريف ساقتاندىرۋ سوماسىنىڭ 3،2% - نا تەڭ بولادى.
انك دەرەكتەرى بويىنشا، ەگىستىكتى قۇرعاقشىلىقتان ەكى جىل ىشىندە ساقتاندىرعان فەرمەرلەرگە 1 ملرد 327،3 ملن تەڭگە تولەندى. بۇل رەتتە اگرارشىلار ەنگىزگەن ساقتاندىرۋ سىيلىقاقىسىنىڭ سوماسى 241،5 ملن تەڭگەنى قۇرادى، وسى كەزەڭدەگى وسىنشا سومانى مەملەكەتتىك سۋبسيديالار قۇرادى.