ءوزارا ءتيىمدى كووپەراسيا ماسەلەلەرى تالقىلاندى.
كەزدەسۋ بارىسىندا ساۋدا، ماشينا جاساۋ، كولىك جانە اۋىل شارۋاشىلىعى سالالارى بويىنشا قازاقستان وڭىرلەرىنىڭ ومبى وبلىسىمەن اراداعى ءوزارا ءتيىمدى كووپەراسيا ماسەلەلەرى تالقىلاندى، دەپ حابارلايدى Almaty-akshamy.kz اقورداعا سىلتەمە جاساپ.
پرەزيدەنت ءوڭىرارالىق تابىستى ىقپالداستىقتىڭ ءوزارا ساۋدا-ساتتىققا وڭ ىقپال ەتەتىنىن ايتتى.
«ءبىز ءوڭىرارالىق ىنتىماقتاستىقتى دامىتۋعا باسا ءمان بەرەمىز. بۇل باعىتتا ومبى ايماعى ەرەكشە ورىن الادى. ومبى وبلىسى مەن قازاقستان رەسپۋبليكاسى اراسىنداعى تاۋار اينالىمى 380 ميلليون دوللاردان استى. قازاقستان – ومبى وبلىسىنىڭ ءنومىرى ءبىرىنشى سەرىكتەسى. ءبىزدىڭ وتانداستارىمىز، قازاقتار، تۇراتىن بۇل شەكارالاس ايماقتىڭ ماڭىزى زور»، – دەدى مەملەكەت باسشىسى.
مەملەكەت باسشىسى ومبى جەرىندە ءومىر ءسۇرىپ جاتقان قازاق دياسپوراسىنىڭ ەكى جاقتى بايلانىستىرۋشى التىن كوپىر ەكەنىن اتاپ ءوتتى جانە قانداستارىمىزدىڭ تاريحي وتانىمەن رۋحاني بايلانىس جاساۋىنا ەرەكشە ءمان بەرىپ، جان-جاقتى قولداۋ كورسەتىپ وتىرعانى ءۇشىن الەكساندر بۋركوۆقا العىس ءبىلدىردى.
سونىمەن قاتار مەملەكەت باسشىسى ومبى وڭىرىندە قازاق حالقىنىڭ ۇلى پەرزەنتتەرى شوقان ءۋاليحانوۆ پەن ساكەن سەيفۋلليندى ۇلىقتاعانى ءۇشىن وبلىس اكىمشىلىگى مەن تۇرعىندارىنا قازاقستاندىقتاردىڭ ريزاشىلىعى شەكسىز ەكەنىن جەتكىزدى.
ءوز كەزەگىندە گۋبەرناتور الەكساندر بۋركوۆ ايماقتىڭ اگروونەركاسىپ كەشەنى، ازىق-تۇلىك ونىمدەرىن ءوندىرۋ، مۇناي حيميا جانە قۇرىلىس سەكتورى سياقتى سالالار بويىنشا قازاقستاندىق كومپانيالارمەن ىنتىماقتاستىق ورناتۋعا دايىن ەكەنىن ايتتى.