قاراعاندى وبلىسىندا ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى پروكۋراتۋرامەن بىرلەسىپ، قىلمىستىق توپتىڭ ارەكەتىنە توسقاۋىل قويدى.
جەدەل ىزدەستىرۋ ءىس-شارالارى بارىسىندا وسى توپتىڭ 12 قىلمىسقا قاتىسى بارى انىقتالدى. جابىرلەنۋشىلەر “قارمەت” اق قىزمەتكەرلەرى، جەكە كاسىپكەرلەر جانە جوعارى وقۋ ورىندارىنىڭ ستۋدەنتتەرى بولىپ تابىلادى.
كۇدىكتىلەر قوعامدىق ءتارتىپتى ورەسكەل بۇزا وتىرىپ، قىلمىس جاساعان. ولار ۇرىپ-سوعۋمەن، مۇلىكتى تارتىپ الىپ، اقشا بوپسالاۋمەن اينالىسقان.
– جالپى توپتىڭ 25 مۇشەسى ۇستالدى. ونىڭ ىشىندە ەڭ بەلسەندى 10 ادام قاماۋعا الىندى. ءتىنتۋ بارىسىندا اتىس جانە سۋىق قارۋ، ءوق-دارى، ءدىني ادەبيەت پەن ءىرى كولەمدە قاراجات تاركىلەندى. قازىرگى تاڭدا ولاردىڭ باسقا دا قىلمىستارعا قاتىسى بار-جوعى تەكسەرىلۋدە. باسقا اقپارات تەرگەۋ مۇددەسىندە جاريا ەتىلمەيدى، – دەدى دەپارتامەنت باستىعى – ءىىم رەسمي وكىلى شىڭعىس الەكەشيەۆ.