الماتىدا كوركەم قاعاز قيۋ شەبەرى كلايداس ناۆيسكاستىڭ جەكە كورمەسى اشىلدى.
اۆتور ەل نازارىنا 50-دەن استام تۋىندىسىن ۇسىنىپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
اق قاعازدان قيىلعىن تاڭعاجايىپ بەينەلەر نەگىزگى ءۇش تاقىرىپتى قامتيدى. ولار: "ۆيلنيۋس اڭىزدارى"، "قۇستار"، "ليتۆا قالالارىنىڭ اڭىزدارى".
ءبىر قىزىعى، بۇل – كلايداس ناۆيسكاستىڭ ءحوببيى عانا. دەسە دە قۇقىق قورعاۋشى بولىپ جۇمىس ىستەيتىن ونىڭ 30 جىلدان بەرى قولى قاعاز بەن قايشىدان اجىراعان ەمەس. ول بۇعان دەيىن شىعارماشىلىق كورمەسىن جاپونيا، جۇڭگو، پولشا، اۆستريا، مەن اقش-تا وتكىزدى.
قازاقستاندىقتار بىرەگەي ەڭبەكتەردى ءابىلحان قاستەيەۆ اتىنداعى ونەر مۇراجايىنان ءساۋىردىڭ 10-ىنا دەيىن تاماشالاي الادى.