بىلتىر قابىلدانعان "قوعامدىق باقىلاۋ تۋرالى" زاڭ 4 ساۋىردە كۇشىنە ەنەدى.
وسى ايدان باستاپ قازاقستان ازاماتتارى ونلاين پەتيسيا جاريالاي الادى، دەپ حابارلايدى Almaty-akshamy.kz
زاڭدا پەتيسيا ينستيتۋتى رەتتەلگەن. پەتيسيانى مىندەتتى تۇردە قاراۋ ءۇشىن اۋداندىق، وبلىستىق جانە رەسپۋبليكالىق دەڭگەيدە داۋىس شەگى بولادى. سول شەكتى مانگە جەتكەن پەتيسيا عانا قولداۋ تاپتى دەپ سانالادى.
پەتيسيانى اۋدان اكىمدىگى قاراۋ ءۇشىن 2،5 مىڭنان استام قول جيناۋ قاجەت. ال اۋداندىق ءماسليحات قاراۋ ءۇشىن 5 مىڭ ادامنىڭ قولداۋى كەرەك. وبلىستىق دەڭگەيدە قاراستىرىلاتىن پەتيسيا ءۇشىن وبلىس حالقىنىڭ 1 پايىزىنان استامىنىڭ قولى قاجەت. ەگەر وبلىس تۇرعىندارىنىڭ 2 پايىزى قولداسا، وندا وبلىستىق ءماسليحات قارايدى.
ال قولداۋشىلار سانى 50 مىڭ ادامنان اسسا، پەتيسيا ۇكىمەت دەڭگەيىندە قارالادى.