كەرىك جاتقان بولمە كىشكەنتاي بولدى
فەرعانا حايۋاناتتار باعىنىڭ ديرەكتورى ءتۇرسىنالى ماماجونوۆ جيراف قاڭتارداعى قاتتى ايازدا اۋىرىپ، ولگەنىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
Gazeta.uz حابارلاۋىنشا، جيراف 2018 جىلى قازاقستاننان اكەلىنگەن. ونىڭ اتى ماكسيم ەدى.
"كەرىك جاتقان بولمە كىشكەنتاي بولدى. سوندىقتان ونى تازا اۋادا سەرۋەندەۋگە شىعاردىق. كەيىنگى كەزدە كوپ جاتىپ قالدى. دالاعا سەرۋەنگە شىعارعاننان وعان سۋىق ءتيىپ قالدى. بۇنى ول ولگەن سوڭ بىلدىك. كەرىك ولگەننەن كەيىن "ۆەتەريناريا جانە مال شارۋاشىلىعىن دامىتۋ دەپارتامەنتىنەن، تابيعي رەسۋرستار مينيسترلىگىنەن جانە باسقا دا ۇيىمداردان ماماندار شاقىرىلدى. دەنەنى تەكسەرگەندە وعان سۋىق تيگەنى راستالدى. جيرافتىڭ ەتى جانۋارلارعا تاراتىلدى"، - دەدى ءتۇرسىنالى ماماجونوۆ.
سول كۇندەرى زووباقتا قۇستار دا قىرىلىپ قالعان.
2022 جىلى تاشكەنت حايۋاناتتار باعىندا الاتاۋ ەسىمدى جيراف مي يشەمياسىنان قايتىس بولدى. ول 2016 جىلى ءۇش جاسىندا الماتى حايۋاناتتار باعىنان اكەلىندى.