قازاقستاننىڭ دەنساۋلىق ساقتاۋ ءمينيسترى اقمارال ءالنازاروۆا انا ءولىمىنىڭ الدىن الۋ ماقساتىندا كونتراسەپتيۆتەر ساتىپ الۋعا جەرگىلىكتى بيۋدجەتتەن قارجى ءبولۋ قاجەت ەكەنىن ايتتى، دەپ حابارلايدى اqshamnews.kz. بۇل تۋرالى ول ۇكىمەت وتىرىسىندا مالىمدەدى.
مينيستر قازىرگى قولدانىلىپ جاتقان شارالارعا قاراماستان، ەلىمىزدىڭ التى وڭىرىندە انا ءولىمىنىڭ كورسەتكىشى ءوسىپ وتىرعانىن اتاپ ءوتتى. ونىڭ ىشىندە ەڭ كۇردەلى جاعداي اقمولا وبلىسىندا تىركەلگەن – بۇل ايماقتاعى كورسەتكىش رەسپۋبليكالىق دەڭگەيدەن جەتى ەسە جوعارى.
"انا ءولىمىنىڭ نەگىزگى سەبەپتەرى – اۋىر ەكستراگەنيتالدى اۋرۋلار (55%) جانە اكۋشەرلىك فاكتورلار (45%)"، – دەدى ءالنازاروۆا.
مينيستر وسى قاۋىپتەردىڭ الدىن الۋ ءۇشىن بىرنەشە ۇسىنىس جاسادى. ول اكىمدىكتەرگە مەديسينا قىزمەتكەرلەرىن جۇمىسقا تارتۋ، ولاردىڭ بىلىكتىلىگىن جۇيەلى تۇردە ارتتىرۋ جانە اۋرۋحانالاردىڭ ماتەريالدىق-تەحنيكالىق جاعدايىن جاقسارتۋ ءۇشىن قارجى ءبولۋدى ۇسىندى.
سونىمەن قاتار، ءالنازاروۆا وڭىرلىك بيلىكتەن جۇكتى ايەلدەر مەن بالالاردى وبلىس ورتالىقتارىنداعى مەديسينالىق مەكەمەلەرگە جەتكىزۋگە ارنالعان كولىكپەن قامتاماسىز ەتۋدى، سونداي-اق بالا تۋۋ جاسىنداعى الەۋمەتتىك وسال توپتاعى ايەلدەرگە كونتراسەپتيۆتەر ۇسىنۋعا بيۋدجەتتەن قاراجات قاراستىرۋدى سۇرادى.